ਮੁੰਬਈ (ਬਿਊਰੋ): ਸੁਪਰਸਟਾਰ ਆਮਿਰ ਖਾਨ ਦੀ ਪਤਨੀ (ਐਕਸ) ਕਿਰਨ ਰਾਓ ਇਨ੍ਹੀਂ ਦਿਨੀਂ ਆਪਣੀ ਆਉਣ ਵਾਲੀ ਸੋਸ਼ਲ ਕਾਮੇਡੀ ਡਰਾਮਾ ਫਿਲਮ 'ਲਾਪਤਾ ਲੇਡੀਜ਼' ਨੂੰ ਲੈ ਕੇ ਸੁਰਖੀਆਂ 'ਚ ਹੈ। ਫਿਲਮ 'ਲਾਪਤਾ ਲੇਡੀਜ਼' 27 ਫਰਵਰੀ ਦੀ ਰਾਤ ਨੂੰ ਮੁੰਬਈ 'ਚ ਦਿਖਾਈ ਗਈ।
'ਲਾਪਤਾ ਲੇਡੀਜ਼' ਦੀ ਸਕ੍ਰੀਨਿੰਗ 'ਚ ਆਮਿਰ ਖਾਨ, ਸੰਨੀ ਦਿਓਲ, ਕਿਰਨ ਰਾਓ, ਅਯਾਨ ਮੁਖਰਜੀ ਸਮੇਤ ਕਈ ਵੱਡੇ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ। ਇਸ ਦੇ ਨਾਲ ਹੀ ਸੋਸ਼ਲ ਮੀਡੀਆ 'ਤੇ ਐਕਟਿਵ ਰਹਿਣ ਵਾਲੀ ਟੀਵੀ ਅਤੇ ਫਿਲਮ ਅਦਾਕਾਰਾ ਅਵਨੀਤ ਕੌਰ ਨੇ ਵੀ 'ਲਾਪਤਾ ਲੇਡੀਜ਼' ਦੀ ਸਕ੍ਰੀਨਿੰਗ 'ਚ ਸ਼ਿਰਕਤ ਕੀਤੀ।
ਅੱਜ 28 ਫਰਵਰੀ ਨੂੰ ਅਵਨੀਤ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ 'ਲਾਪਤਾ ਲੇਡੀਜ਼' ਦੀ ਸਕ੍ਰੀਨਿੰਗ ਤੋਂ ਆਮਿਰ ਖਾਨ ਨਾਲ ਤਸਵੀਰ ਸ਼ੇਅਰ ਕੀਤੀ ਹੈ। ਇਸ ਤਸਵੀਰ 'ਚ ਅਵਨੀਤ ਕੌਰ ਅਤੇ ਆਮਿਰ ਖਾਨ ਬਲੈਕ ਲੁੱਕ 'ਚ ਨਜ਼ਰ ਆ ਰਹੇ ਹਨ। ਇਸ ਤਸਵੀਰ ਨੂੰ ਸ਼ੇਅਰ ਕਰਕੇ ਅਵਨੀਤ ਨੇ ਬਹੁਤ ਹੀ ਹੈਰਾਨ ਕਰਨ ਵਾਲਾ ਖੁਲਾਸਾ ਕੀਤਾ ਹੈ। ਅਵਨੀਤ ਨੇ ਦੱਸਿਆ ਕਿ ਉਸ ਨੇ ਆਮਿਰ ਖਾਨ ਦੀਆਂ ਦੋ ਫਿਲਮਾਂ ਲਈ ਆਡੀਸ਼ਨ ਦਿੱਤਾ ਸੀ, ਪਰ ਦੋਵੇਂ ਵਾਰ ਉਸ ਨੂੰ ਰੱਦ ਕਰ ਦਿੱਤਾ ਗਿਆ ਸੀ।
ਅਵਨੀਤ ਨੇ ਆਮਿਰ ਖਾਨ ਨਾਲ ਆਪਣੀ ਅਣਦੇਖੀ ਤਸਵੀਰ ਸ਼ੇਅਰ ਕਰਦੇ ਹੋਏ ਲਿਖਿਆ, 'ਬੀਤੀ ਰਾਤ 'ਲਾਪਤਾ ਲੇਡੀਜ਼' ਦੀ ਸਕ੍ਰੀਨਿੰਗ 'ਤੇ ਮੈਂ ਮਿਸਟਰ ਪਰਫੈਕਸ਼ਨਿਸਟ ਨੂੰ ਮਿਲੀ, ਜੋ ਮੇਰੇ ਪਸੰਦ ਦਾ ਅਦਾਕਾਰਾਂ ਵਿੱਚੋਂ ਇੱਕ ਹਨ, ਮੈਂ ਪਹਿਲੀ ਵਾਰ ਆਮਿਰ ਖਾਨ ਸਰ ਨੂੰ ਮਿਲੀ, ਇਸ ਤੋਂ ਪਹਿਲਾਂ ਮੈਂ ਉਹਨਾਂ ਦੀਆਂ ਦੋ ਫਿਲਮਾਂ ਲਈ ਆਡੀਸ਼ਨ ਦਿੱਤਾ ਸੀ, ਇਹ ਫਿਲਮਾਂ ਦੰਗਲ ਅਤੇ ਸੀਕ੍ਰੇਟ ਸੁਪਰਸਟਾਰ ਸਨ, ਬਦਕਿਸਮਤੀ ਨਾਲ ਮੈਂ ਦੋਵੇਂ ਵਾਰ ਅਸਫਲ ਰਹੀ, ਪਰ ਅਦਾਕਾਰ ਨੇ ਮੈਨੂੰ ਦੱਸਿਆ ਕਿ ਉਸਨੂੰ ਮੇਰਾ ਆਡੀਸ਼ਨ ਪਸੰਦ ਆਇਆ ਸੀ, ਇਹ ਮੇਰੇ ਲਈ ਕਾਫੀ ਸੀ।'
- ਫੇਮਿਨਾ ਮਿਸ ਇੰਡੀਆ ਤ੍ਰਿਪੁਰਾ ਰਿੰਕੀ ਚਕਮਾ ਦਾ 29 ਸਾਲ ਦੀ ਉਮਰ 'ਚ ਦੇਹਾਂਤ, ਨੇਹਾ ਧੂਪੀਆ ਸਮੇਤ ਇਹਨਾਂ ਪ੍ਰਸ਼ੰਸਕਾਂ ਨੇ ਪ੍ਰਗਟਾਇਆ ਦੁੱਖ
- ਬੇਹੱਦ ਦਿਲਚਸਪ ਹੈ 'ਤੇਰਾ ਕਿਆ ਹੋਗਾ ਲਵਲੀ' ਦਾ ਟ੍ਰੇਲਰ, ਰਣਦੀਪ ਹੁੱਡਾ-ਇਲੀਆਨਾ ਡੀਕਰੂਜ਼ ਦੀ ਜੋੜੀ ਨੇ ਜਿੱਤਿਆ ਪ੍ਰਸ਼ੰਸਕਾਂ ਦਾ ਦਿਲ
- ਬੁਆਏਫ੍ਰੈਂਡ ਮੈਥਿਆਸ ਬੋ ਨਾਲ ਵਿਆਹ ਕਰਨ ਜਾ ਰਹੀ ਹੈ ਤਾਪਸੀ ਪੰਨੂ, ਜਾਣੋ ਕਦੋਂ ਲਏਗੀ ਸੱਤ ਫੇਰੇ
ਤੁਹਾਨੂੰ ਦੱਸ ਦੇਈਏ ਕਿ ਅਵਨੀਤ ਕੌਰ ਇੱਕ ਸੋਸ਼ਲ ਮੀਡੀਆ ਸਟਾਰ ਹੈ ਅਤੇ ਉਸ ਦੇ ਇੰਸਟਾਗ੍ਰਾਮ 'ਤੇ 32.4 ਮਿਲੀਅਨ ਪ੍ਰਸ਼ੰਸਕ ਹਨ। ਅਵਨੀਤ ਨੇ ਕਈ ਫਿਲਮਾਂ ਵਿੱਚ ਕੰਮ ਕੀਤਾ ਹੈ, ਜਿਸ ਵਿੱਚ ਰਾਣੀ ਮੁਖਰਜੀ ਨਾਲ 'ਮਰਦਾਨੀ' (2014), 'ਮਰਦਾਨੀ 2' (2019) ਅਤੇ ਨਵਾਜ਼ੂਦੀਨ ਸਿੱਦੀਕੀ ਨਾਲ 'ਟੀਕੂ ਵੈਡਸ ਸ਼ੇਰੂ' (2023) ਸ਼ਾਮਲ ਹਨ।
ਇਸ ਦੇ ਨਾਲ ਹੀ ਟੀਵੀ ਦੀ ਦੁਨੀਆ ਵਿੱਚ ਉਹ ਡਾਂਸ ਰਿਐਲਿਟੀ ਸ਼ੋਅ 'ਡਾਂਸ ਇੰਡੀਆ ਡਾਂਸ ਲਿਲ ਚੈਂਪ' (2010), 'ਡਾਂਸ ਕੇ ਦੀਵਾਨੇ ਸੁਪਰਸਟਾਰਸ' (2011), 'ਟੀਵੀ ਸ਼ੋਅ ਮੇਰੀ ਮਾਂ' (2011-12), 'ਝਲਕ ਦਿਖਲਾ ਜਾ 5' (2012), 'ਸਾਵਿਤਰੀ-ਏਕ ਪ੍ਰੇਮ ਕਹਾਣੀ', 'ਏਕ ਮੁਠੀ ਆਸਮਾਨ', 'ਹਮਾਰੀ ਸਿਸਟਰ ਦੀਦੀ', 'ਚੰਦਰਾ ਨੰਦਿਨੀ' ਅਤੇ 'ਅਲਾਦੀਨ-ਨਾਮ ਤੋ ਸੁਨਾ ਹੋਗਾ' ਵਰਗੇ ਟੀਵੀ ਸ਼ੋਅ ਵਿੱਚ ਕੰਮ ਕੀਤਾ ਹੈ।
