ਹੈਦਰਾਬਾਦ: ਦੇਸ਼ ਦੀ ਸਭ ਤੋਂ ਵੱਡੀ ਕਾਰ ਨਿਰਮਾਤਾ ਕੰਪਨੀ ਮਾਰੂਤੀ ਸੁਜ਼ੂਕੀ 1 ਫਰਵਰੀ 2025 ਤੋਂ ਆਪਣੀਆਂ ਕਾਰਾਂ ਅਤੇ SUV ਦੀਆਂ ਕੀਮਤਾਂ ਵਧਾਉਣ ਜਾ ਰਹੀ ਹੈ। ਕੰਪਨੀ ਦੀਆਂ ਕਾਰਾਂ ਦੀ ਕੀਮਤ ਵਿੱਚ ਵਾਧਾ ਮਾਡਲ ਦੇ ਆਧਾਰ 'ਤੇ ਕੀਤਾ ਜਾਵੇਗਾ ਅਤੇ ਇਹ 1,500 ਰੁਪਏ ਤੋਂ ਲੈ ਕੇ 32,500 ਰੁਪਏ ਤੱਕ ਹੋ ਸਕਦਾ ਹੈ।
ਜਾਣਕਾਰੀ ਮੁਤਾਬਕ, ਪੁਰਾਣੀ ਮਾਰੂਤੀ ਸਿਆਜ਼ ਅਤੇ ਮਾਰੂਤੀ ਜਿੰਮੀ ਦੀ ਕੀਮਤ 'ਚ ਸਭ ਤੋਂ ਘੱਟ ਵਾਧਾ ਕੀਤਾ ਗਿਆ ਹੈ ਜਦਕਿ ਮਾਰੂਤੀ ਸੇਲੇਰੀਓ ਅਤੇ ਇਨਵਿਕਟੋ ਵਰਗੇ ਮਾਡਲਾਂ ਦੀਆਂ ਕੀਮਤਾਂ 'ਚ 30,000 ਰੁਪਏ ਤੱਕ ਦਾ ਵਾਧਾ ਕੀਤਾ ਗਿਆ ਹੈ।
| ਮਾਡਲ | ਕੀਮਤ ਵਾਧਾ |
| ਮਾਰੂਤੀ ਆਲਟੋ K10 | 19,500 ਰੁਪਏ ਤੱਕ ਦਾ ਵਾਧਾ |
| ਮਾਰੂਤੀ ਐਸ-ਪ੍ਰੈਸੋ | 5,000 ਰੁਪਏ ਤੱਕ ਦਾ ਵਾਧਾ |
| ਮਾਰੂਤੀ ਸੇਲੇਰੀਓ | 32,500 ਰੁਪਏ ਤੱਕ ਦਾ ਵਾਧਾ |
| ਮਾਰੂਤੀ ਵੈਗਨ ਆਰ | 15,000 ਰੁਪਏ ਤੱਕ ਦਾ ਵਾਧਾ |
| ਮਾਰੂਤੀ ਸਵਿਫਟ | 5,000 ਰੁਪਏ ਤੱਕ ਦਾ ਵਾਧਾ |
| ਮਾਰੂਤੀ ਡਿਜ਼ਾਇਰ | 10,000 ਰੁਪਏ ਤੱਕ ਦਾ ਵਾਧਾ |
| ਮਾਰੂਤੀ ਬ੍ਰੇਜ਼ਾ | 20,000 ਰੁਪਏ ਤੱਕ ਦਾ ਵਾਧਾ |
| ਮਾਰੂਤੀ ਅਰਟਿਗਾ | 15,000 ਰੁਪਏ ਤੱਕ ਦਾ ਵਾਧਾ |
| ਮਾਰੂਤੀ ਈਕੋ | 12,000 ਰੁਪਏ ਤੱਕ ਦਾ ਵਾਧਾ |
| ਮਾਰੂਤੀ ਇਗਨੀਸ | 6,000 ਰੁਪਏ ਤੱਕ ਦਾ ਵਾਧਾ |
| ਮਾਰੂਤੀ ਬਲੇਨੋ | 9,000 ਰੁਪਏ ਤੱਕ ਦਾ ਵਾਧਾ |
| ਮਾਰੂਤੀ ਸਿਆਜ਼ | 1,500 ਰੁਪਏ ਤੱਕ ਦਾ ਵਾਧਾ |
| ਮਾਰੂਤੀ XL6 | 10,000 ਰੁਪਏ ਤੱਕ ਦਾ ਵਾਧਾ |
| ਮਾਰੂਤੀ ਫਰੌਂਕਸ | 5,500 ਰੁਪਏ ਤੱਕ ਦਾ ਵਾਧਾ |
| ਮਾਰੂਤੀ ਇਨਵਿਕਟੋ | 30,000 ਰੁਪਏ ਤੱਕ ਦਾ ਵਾਧਾ |
| ਮਾਰੂਤੀ ਜਿਮਨੀ | 1,500 ਰੁਪਏ ਤੱਕ ਦਾ ਵਾਧਾ |
| ਮਾਰੂਤੀ ਗ੍ਰੈਂਡ ਵਿਟਾਰਾ | 25,000 ਰੁਪਏ ਤੱਕ ਦਾ ਵਾਧਾ |
ਤੁਹਾਨੂੰ ਦੱਸ ਦੇਈਏ ਕਿ ਕੰਪਨੀ ਨੇ ਚੌਥੀ ਜਨਰੇਸ਼ਨ ਮਾਰੂਤੀ ਡਿਜ਼ਾਇਰ ਨੂੰ ਸ਼ੁਰੂਆਤੀ ਕੀਮਤ 'ਤੇ ਲਾਂਚ ਕੀਤਾ ਸੀ ਅਤੇ ਇਸ ਕੀਮਤ 'ਚ ਵਾਧੇ ਦੇ ਨਾਲ ਹੀ ਇਸ ਦੀ ਸ਼ੁਰੂਆਤੀ ਕੀਮਤ ਖਤਮ ਹੋ ਗਈ ਹੈ। ਪਿਛਲੇ ਸਾਲ ਦੇ ਅੰਤ 'ਚ ਲਾਂਚ ਹੋਈ ਇਸ ਸਬ-ਕੰਪੈਕਟ ਸੇਡਾਨ ਦੀਆਂ ਕੀਮਤਾਂ 'ਚ ਨਵੇਂ ਸਾਲ ਦੇ ਨਾਲ 10,000 ਰੁਪਏ ਤੱਕ ਦਾ ਵਾਧਾ ਕੀਤਾ ਗਿਆ ਹੈ।
ਦੂਜੇ ਪਾਸੇ ਮਾਰੂਤੀ ਬ੍ਰੇਜ਼ਾ, ਫਰੌਂਕਸ, ਸਵਿਫਟ ਅਤੇ ਅਰਟਿਗਾ ਵਰਗੇ ਹੋਰ ਮਸ਼ਹੂਰ ਮਾਡਲਾਂ ਦੀਆਂ ਕੀਮਤਾਂ ਵਿੱਚ 20,000 ਰੁਪਏ ਤੱਕ ਦਾ ਵਾਧਾ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ, ਮਾਰੂਤੀ ਸੇਲੇਰੀਓ ਦੀ ਕੀਮਤ ਸਭ ਤੋਂ ਵੱਧ ਵਧੇਗੀ ਅਤੇ ਵੇਰੀਐਂਟ ਦੇ ਆਧਾਰ 'ਤੇ 32,500 ਰੁਪਏ ਤੱਕ ਜਾਵੇਗੀ। ਜਦਕਿ ਮਾਰੂਤੀ ਸੁਜ਼ੂਕੀ ਇਨਵਿਕਟੋ ਦੀ ਕੀਮਤ 'ਚ 30,000 ਰੁਪਏ ਤੱਕ ਦਾ ਵਾਧਾ ਹੋਵੇਗਾ।
ਇਹ ਵੀ ਪੜ੍ਹੋ:-
