ਚੰਡੀਗੜ੍ਹ: ਪਾਲੀਵੁੱਡ ਫਿਲਮਾਂ ਦਾ ਪ੍ਰਭਾਵੀ ਹਿੱਸਾ ਰਹੀ ਅਦਾਕਾਰਾ ਹਿਨਾ ਭਾਟੀਆ ਅਪਣੀ ਓਟੀਟੀ ਸਟ੍ਰੀਮ ਹੋ ਰਹੀ ਨਵੀਂ ਪੰਜਾਬੀ ਫਿਲਮ 'ਇਸ਼ਕ ਦੀ ਘੰਟੀ' ਨੂੰ ਲੈ ਕੇ ਇੱਕ ਵਾਰ ਮੁੜ ਚਰਚਾ ਦਾ ਕੇਂਦਰ ਬਿੰਦੂ ਬਣੀ ਹੋਈ ਹੈ, ਜੋ ਜਲਦ ਹੀ ਸਾਹਮਣੇ ਆਉਣ ਜਾ ਰਹੀਆਂ ਕਈ ਵੱਡੀਆਂ ਸਾਊਥ ਫਿਲਮਾਂ ਵਿੱਚ ਵੀ ਅਪਣੀ ਸ਼ਾਨਦਾਰ ਉਪ-ਸਥਿਤੀ ਦਰਜ ਕਰਵਾਉਣ ਲਈ ਵੀ ਪੂਰੀ ਤਰ੍ਹਾਂ ਤਿਆਰ ਹੈ।
'ਸ਼ਾਲੀਮਾਰ ਪ੍ਰੋਡੋਕਸ਼ਨ ਲਿਮਿਟਡ' ਵੱਲੋਂ ਪੇਸ਼ ਕੀਤੀ ਜਾ ਰਹੀ ਅਤੇ 'ਜਸਪ੍ਰੀਤ ਮਾਨ ਫਿਲਮਜ਼' ਦੀ ਇਨ ਐਸੋਸੀਏਸ਼ਨ ਅਧੀਨ ਬਣਾਈ ਗਈ ਇਸ ਰੁਮਾਂਟਿਕ-ਚਰਚਿਤ ਅਤੇ ਡ੍ਰਾਮੈਟਿਕ ਫਿਲਮ ਦਾ ਨਿਰਦੇਸ਼ਨ ਜਸਪ੍ਰੀਤ ਮਾਨ ਵੱਲੋਂ ਕੀਤਾ ਗਿਆ ਹੈ।
ਨਿਰਮਾਤਾ ਤ੍ਰਿਲੋਕ ਕੋਠਾਰੀ ਅਤੇ ਜਸਪ੍ਰੀਤ ਮਾਨ ਵੱਲੋਂ ਨਿਰਮਿਤ ਕੀਤੀ ਗਈ ਉਕਤ ਫਿਲਮ ਵਿੱਚ ਲਖਬੀਰ ਉਪਲ ਅਤੇ ਹਿਨਾ ਭਾਟੀਆ ਲੀਡ ਜੋੜੀ ਵਜੋਂ ਮੁੱਖ ਭੂਮਿਕਾਵਾਂ ਅਦਾ ਕੀਤੀਆਂ ਗਈਆਂ ਹਨ, ਜਿੰਨ੍ਹਾਂ ਤੋਂ ਇਲਾਵਾ ਸ਼ੁਵਿੰਦਰ ਵਿੱਕੀ, ਦਿਲਾਵਰ ਸਿੱਧੂ, ਅੰਮ੍ਰਿਤਪਾਲ ਬਿੱਲਾ, ਸੰਨੀ ਗਿੱਲ, ਅਸ਼ੋਕ ਕਾਲੜਾ, ਗੋਲਡਨ ਗਿਰੀ, ਜਸਪ੍ਰੀਤ ਮਾਨ ਵੱਲੋਂ ਵੀ ਅਹਿਮ ਕਿਰਦਾਰ ਪਲੇ ਕੀਤੇ ਗਏ ਹਨ।
ਸਮਾਜਿਕ ਸਰੋਕਾਰਾਂ ਦੀ ਤਰਜ਼ਮਾਨੀ ਕਰਦੀ ਉਕਤ ਫਿਲਮ ਵਿੱਚ ਕਾਫ਼ੀ ਚੁਣੌਤੀਪੂਰਨ ਰੋਲ ਵਿੱਚ ਨਜ਼ਰ ਆਵੇਗੀ ਅਦਾਕਾਰਾ ਹਿਨਾ ਭਾਟੀਆ, ਜਿੰਨ੍ਹਾਂ ਦੇ ਸ਼ਾਨਦਾਰ ਪਾਲੀਵੁੱਡ ਕਮਬੈਕ ਦਾ ਸਬੱਬ ਬਣਨ ਜਾ ਰਹੀ ਅਤੇ 25 ਫ਼ਰਵਰੀ ਨੂੰ ਸਾਹਮਣੇ ਆਉਣ ਜਾ ਰਹੀ ਉਕਤ ਫਿਲਮ ਦਾ ਟੀਜ਼ਰ ਅਤੇ ਉਨ੍ਹਾਂ ਦੇ ਨਜ਼ਰ ਆ ਰਹੇ ਲੁੱਕ ਨੂੰ ਦਰਸ਼ਕਾਂ ਵੱਲੋਂ ਕਾਫ਼ੀ ਪਸੰਦ ਕੀਤਾ ਜਾ ਰਿਹਾ ਹੈ।
ਮੂਲ ਰੂਪ ਵਿੱਚ ਹਰਿਆਣਾ ਨਾਲ ਸੰਬੰਧਤ ਇਹ ਦਿਲਕਸ਼ ਅਤੇ ਪ੍ਰਤਿਭਾਵਾਨ ਅਦਾਕਾਰਾ ਅੱਜਕੱਲ੍ਹ ਸਾਊਥ ਫਿਲਮ ਇੰਡਸਟਰੀ ਵਿੱਚ ਵੀ ਮਜ਼ਬੂਤ ਪੈੜ੍ਹਾਂ ਸਿਰਜਦੀ ਜਾ ਰਹੀ ਹੈ, ਜਿੰਨ੍ਹਾਂ ਨੂੰ ਰਿਲੀਜ਼ ਹੋਣ ਜਾ ਰਹੀ ਕਈ ਵੱਡੀ ਤੇਲਗੂ, ਤਮਿਲ ਫਿਲਮਾਂ ਦਾ ਵੀ ਅਹਿਮ ਹਿੱਸਾ ਬਣਾਇਆ ਗਿਆ ਹੈ। ਅਦਾਕਾਰਾ ਦੀ 'ਤਾਰੋਂ ਪਾਰ' ਪੰਜਾਬੀ ਵੈੱਬ ਸੀਰੀਜ਼ 31 ਮਾਰਚ 2025 ਨੂੰ ਪੰਜਾਬੀ OTT ਪਲੇਟਫਾਰਮ 'ਤੇ ਰਿਲੀਜ਼ ਹੋਵੇਗੀ।
ਇਹ ਵੀ ਪੜ੍ਹੋ:
- 'ਸਿੱਖ ਬਾਰਡਰਾਂ ਤੇ ਖੜ੍ਹਦੇ ਤਾਂ ਹਿੰਦੂਸਤਾਨੀ ਜੀ, ਹੱਕਾਂ ਲਈ ਲੜਦੇ ਤਾਂ ਖਾਲਿਸਤਾਨੀ ਵੱਜਦੇ', ਰੌਂਗਟੇ ਖੜ੍ਹੇ ਕਰ ਦੇਵੇਗਾ ਜੈਨੀ ਜੌਹਲ ਦਾ ਨਵਾਂ ਗੀਤ, ਸੁਣੋ ਜ਼ਰਾ
- 10 ਸਾਲ ਬਾਅਦ ਗੀਤਕਾਰੀ ਦੇ ਖੇਤਰ ਵਿੱਚ ਵਾਪਸੀ ਕਰ ਰਹੇ ਨੇ ਦਵਿੰਦਰ ਖੰਨੇਵਾਲਾ, ਮੰਨਤ ਨੂਰ ਦੁਆਰਾ ਗਾਇਆ ਜਾਵੇਗਾ ਨਵਾਂ ਗਾਣਾ
- ਆਰ ਨੇਤ ਦਾ ਨਵਾਂ ਗੀਤ 'ਛੱਡਦੇ ਗਾ' ਹੋਇਆ ਰਿਲੀਜ਼, ਪ੍ਰਸ਼ੰਸਕਾਂ ਨੂੰ ਕਾਫੀ ਆ ਰਿਹਾ ਹੈ ਪਸੰਦ
