ਹੈਦਰਾਬਾਦ: ਡੈਂਟਲ ਪੀਜੀ ਕੋਰਸ ਕਰਨ ਵਾਲੇ ਵਿਦਿਆਰਥੀਆਂ ਲਈ ਜ਼ਰੂਰੀ ਖਬਰ ਸਾਹਮਣੇ ਆਈ ਹੈ। ਦੇਸ਼ ਭਰ ਦੇ ਸਰਕਾਰੀ ਅਤੇ ਪ੍ਰਾਈਵੇਟ ਡੈਂਟਲ ਕਾਲਜਾਂ ਵਿੱਚ ਹੋਣ ਵਾਲੇ ਮਾਸਟਰ ਕੋਰਸਾਂ ਵਿੱਚ ਦਾਖਲੇ ਲਈ ਆਯੋਜਿਤ ਕੀਤੇ ਜਾਣ ਵਾਲੀ NEET MDS 'ਚ ਸ਼ਾਮਲ ਹੋਣ ਲਈ ਜ਼ਰੂਰੀ ਆਨਲਾਈਨ ਰਜਿਸਟਰ ਦੀ ਪ੍ਰੀਕਿਰੀਆਂ ਅੱਜ ਖਤਮ ਹੋਣ ਜਾ ਰਹੀ ਹੈ। NBEMS ਦੁਆਰਾ ਆਯੋਜਿਤ ਕੀਤੇ ਜਾਣ ਵਾਲੀ ਦਾਖਲਾ ਪ੍ਰੀਖਿਆ ਲਈ ਉਮੀਦਵਾਰ ਅੱਜ ਰਾਤ 11:55 ਵਜੇ ਤੱਕ ਆਨਲਾਈਨ ਰਜਿਸਟਰ ਕਰ ਸਕਦੇ ਹਨ।
ਇਸ ਤਰ੍ਹਾਂ ਕਰੋ NEET MDS ਲਈ ਰਜਿਸਟਰ: ਜਿਹੜੇ ਉਮੀਦਵਾਰਾਂ ਨੇ ਅਜੇ ਤੱਕ NEET MDS ਲਈ ਆਪਣਾ ਰਜਿਸਟਰ ਨਹੀਂ ਕੀਤਾ ਹੈ, ਉਹ NBEMS ਦੀ ਅਧਿਕਾਰਿਤ ਵੈੱਬਸਾਈਟ natboard.edu.in 'ਤੇ ਸੰਬੰਧਿਤ ਸੈਕਸ਼ਨ ਵਿੱਚ ਐਕਟਿਵ ਲਿੰਕ ਤੋਂ ਐਪਲੀਕੇਸ਼ਨ ਪੇਜ 'ਤੇ ਜਾ ਕੇ ਆਪਣਾ ਰਜਿਸਟਰ ਕਰ ਸਕਦੇ ਹਨ। ਹਾਲਾਂਕਿ, ਅਪਲਾਈ ਤੋਂ ਪਹਿਲਾ ਉਮੀਦਵਾਰਾਂ NEET MDS ਸੂਚਨਾ ਬੁਲੇਟਿਨ ਨੂੰ ਧਿਆਨ ਨਾਲ ਪੜ੍ਹ ਲੈਣ।
NEET MDS ਲਈ ਅਪਲਾਈ ਕਰਨ ਦੀ ਫੀਸ: ਉਮੀਦਵਾਰ ਇਸ ਗੱਲ ਦਾ ਧਿਆਨ ਰੱਖਣ ਕਿ ਉਨ੍ਹਾਂ ਨੂੰ ਪ੍ਰੀਖਿਆ ਦੀ ਫੀਸ 3500 ਰੁਪਏ ਦਾ ਭੁਗਤਾਨ ਵੀ ਅਪਲਾਈ ਦੀ ਤਰੀਕ 'ਚ ਹੀ ਕਰਨਾ ਹੋਵੇਗਾ। ਹਾਲਾਂਕਿ, ਇਹ ਫੀਸ ਅਨੁਸੂਚਿਤ ਜਾਤੀਆਂ, ਅਨੁਸੂਚਿਤ ਕਬੀਲਿਆਂ ਅਤੇ ਅਪਾਹਜ ਉਮੀਦਵਾਰਾਂ ਲਈ ਸਿਰਫ 2500 ਰੁਪਏ ਹੈ।
ਇਹ ਲੋਕ ਕਰ ਸਕਦੇ ਨੇ NEET MDS ਲਈ ਅਪਲਾਈ: NBEMS ਦੁਆਰਾ ਜਾਰੀ NEET MDS 2024 ਸੂਚਨਾ ਬੁਲੇਟਿਨ ਅਨੁਸਾਰ, ਇਸ ਪ੍ਰੀਖਿਆ 'ਚ ਸ਼ਾਮਲ ਹੋਣ ਵਾਲੇ ਉਮੀਦਵਾਰਾਂ ਦਾ ਕਿਸੇ ਮਾਨਤਾ ਪ੍ਰਾਪਤ ਡੈਂਟਲ ਕਾਲਜ ਤੋਂ ਬੀਡੀਐਸ ਦੀ ਡਿਗਰੀ ਪਾਸ ਕੀਤੀ ਹੋਣੀ ਚਾਹੀਦੀ ਹੈ। ਇਸਦੇ ਨਾਲ ਹੀ, ਉਮੀਦਵਾਰਾਂ ਨੇ 31 ਮਾਰਚ, 2024 ਤੱਕ ਨਿਰਧਾਰਤ 12 ਮਹੀਨਿਆਂ ਦੀ ਇੰਟਰਨਸ਼ਿਪ ਪੂਰੀ ਕੀਤੀ ਹੋਣੀ ਚਾਹੀਦੀ ਹੈ। ਯੋਗਤਾ ਬਾਰੇ ਹੋਰ ਵੇਰਵਿਆਂ ਲਈ ਤੁਸੀਂ ਸੂਚਨਾ ਬੁਲੇਟਿਨ ਪੜ੍ਹ ਸਕਦੇ ਹੋ।
