ਹੈਦਰਾਬਾਦ: ਤੇਲੰਗਾਨਾ ਦੇ ਉੱਪਲ ਤੋਂ ਇੱਕ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਜਿੱਥੇ ਇੱਕ ਕੁੜੀ ਨੇ ਕਥਿਤ ਤੌਰ 'ਤੇ ਇੱਕ ਪੁਰਸ਼ ਟੀਵੀ ਐਂਕਰ ਨੂੰ ਅਗਵਾ ਕਰ ਲਿਆ। ਉੱਪਲ ਪੁਲਿਸ ਨੇ ਇੱਕ ਟੈਲੀਵਿਜ਼ਨ ਚੈਨਲ ਦੇ ਐਂਕਰ ਪ੍ਰਣਵ ਨੂੰ ਅਗਵਾ ਕਰਨ ਦੇ ਇਲਜ਼ਾਮ ਵਿੱਚ ਭੋਗੀਰੇਡੀ ਤ੍ਰਿਸ਼ਾ ਨਾਮਕ ਇੱਕ ਲੜਕੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਦੱਸ ਦੇਈਏ ਕਿ ਭੋਗੀਰੇਡੀ ਤ੍ਰਿਸ਼ਾ ਇਕ ਨੌਜਵਾਨ ਬਿਜ਼ਨੈੱਸ ਵੂਮੈਨ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਇਸ ਨੂੰ ਪ੍ਰਣਵ ਦੀ ਮੈਟਰੀਮੋਨੀਅਲ ਪ੍ਰੋਫਾਈਲ ਤੋਂ ਆਨਲਾਈਨ ਸਕੈਮਰਾਂ ਨੇ ਬਣਾਇਆ ਸੀ। ਤ੍ਰਿਸ਼ਾ ਨੂੰ ਪ੍ਰਣਵ ਦੀ ਪ੍ਰੋਫਾਈਲ ਦੇਖ ਕੇ ਉਸ ਨਾਲ ਪਿਆਰ ਹੋ ਗਿਆ। ਜਿਸ ਤੋਂ ਬਾਅਦ ਤ੍ਰਿਸ਼ਾ ਨੇ ਪ੍ਰਣਵ ਨੂੰ ਵਿਆਹ ਦੀ ਉਮੀਦ 'ਚ ਅਗਵਾ ਕਰ ਲਿਆ। ਇਸ ਘਟਨਾ ਨੇ ਪੂਰੇ ਸ਼ਹਿਰ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ।
ਡਿਜੀਟਲ ਮਾਰਕੀਟਿੰਗ ਕੰਪਨੀ ਚਲਾਉਂਦੀ ਹੈ ਕੁੜੀ: ਤ੍ਰਿਸ਼ਾ, ਜੋ ਇੱਕ ਡਿਜੀਟਲ ਮਾਰਕੀਟਿੰਗ ਕੰਪਨੀ ਚਲਾਉਂਦੀ ਹੈ ਅਤੇ ਪੰਜ ਸਟਾਰਟ-ਅੱਪ ਕੰਪਨੀਆਂ ਦੀ ਸਥਾਪਨਾ ਕਰਦੀ ਹੈ, ਨੇ ਔਨਲਾਈਨ ਮੈਟਰੀਮੋਨੀ ਪੋਰਟਲ 'ਤੇ ਪ੍ਰਣਵ ਦੀ ਪ੍ਰੋਫਾਈਲ ਨੂੰ ਪਸੰਦ ਕੀਤਾ। ਹਾਲਾਂਕਿ, ਉਸ ਨੂੰ ਬਾਅਦ ਵਿੱਚ ਪਤਾ ਲੱਗਾ ਕਿ ਪ੍ਰਣਵ ਦੀ ਫੋਟੋ ਅਤੇ ਨਿੱਜੀ ਡੇਟਾ ਦੀ ਵਰਤੋਂ ਬਿਨਾਂ ਆਗਿਆ ਦੇ ਇੱਕ ਫਰਜ਼ੀ ਪ੍ਰੋਫਾਈਲ ਬਣਾਉਣ ਲਈ ਕੀਤੀ ਗਈ ਸੀ। ਇਸ ਦੇ ਬਾਵਜੂਦ ਕਿਸੇ ਨੂੰ ਕੋਈ ਫ਼ਰਕ ਨਹੀਂ ਪਿਆ। ਉਸ ਨੇ ਫੈਸਲਾ ਕੀਤਾ ਕਿ ਜੇਕਰ (TV Anchor Kidnapped) ਉਹ ਹੁਣ ਵਿਆਹ ਕਰੇਗੀ, ਤਾਂ ਪ੍ਰਣਵ ਨਾਲ ਹੀ ਹੋਵੇਗੀ, ਜਿਸ ਤੋਂ ਬਾਅਦ ਤ੍ਰਿਸ਼ਾ ਨੇ ਐਂਕਰ ਪ੍ਰਣਵ ਨੂੰ ਹਮੇਸ਼ਾ ਲਈ ਆਪਣਾ ਬਣਾਉਣ ਦਾ ਫੈਸਲਾ ਕੀਤਾ।
ਇਸ ਦੌਰਾਨ ਤ੍ਰਿਸ਼ਾ ਨੇ ਪੁਲਿਸ ਨੂੰ ਦੱਸਿਆ ਕਿ ਉਹ ਪ੍ਰਣਵ ਨੂੰ ਭਾਰਤ ਮੈਟਰੀਮੋਨੀ 'ਚ ਮਿਲੀ ਸੀ ਅਤੇ ਉਸ ਨਾਲ ਗੱਲਬਾਤ ਵੀ ਕਰਦੀ ਸੀ। ਬਾਅਦ ਵਿੱਚ ਚੈਟਿੰਗ ਅਚਾਨਕ ਬੰਦ ਹੋ ਗਈ। ਤ੍ਰਿਸ਼ਾ ਨੇ ਸੋਚਿਆ ਕਿ ਪ੍ਰਣਵ ਉਸ ਦੀਆਂ ਭਾਵਨਾਵਾਂ ਦਾ ਮਜ਼ਾਕ ਉਡਾ ਰਿਹਾ ਹੈ। ਜਿਸ ਤੋਂ ਬਾਅਦ ਉਸ ਨੇ ਪ੍ਰਣਵ ਨਾਲ ਵਿਆਹ ਕਰਨ ਦੀ ਯੋਜਨਾ ਬਣਾਈ। ਉਸ ਨੇ ਇਸ ਮਹੀਨੇ ਦੀ 10 ਤਰੀਕ ਨੂੰ ਅੱਧੀ ਰਾਤ ਨੂੰ ਪੰਜ ਲੋਕਾਂ ਨਾਲ ਮਿਲ ਕੇ ਪ੍ਰਣਵ ਨੂੰ ਅਗਵਾ ਕਰ ਲਿਆ ਸੀ।
ਪ੍ਰਣਵ ਨੂੰ ਅਗਵਾ ਕਰਨ ਤੋਂ ਬਾਅਦ ਤ੍ਰਿਸ਼ਾ ਉਸ ਨੂੰ ਪੂਰੀ ਰਾਤ ਇਕ ਕਮਰੇ ਵਿਚ ਬੰਦ ਰੱਖਿਆ ਅਤੇ ਉਸ ਨੂੰ ਉਸ ਨਾਲ ਵਿਆਹ ਕਰਨ ਲਈ ਮਜਬੂਰ ਕਰਦੀ ਰਹੀ ਹੈ। ਹਾਲਾਂਕਿ, 11 ਫ਼ਰਵਰੀ ਨੂੰ ਪ੍ਰਣਵ ਕਿਸੇ ਤਰ੍ਹਾਂ ਤ੍ਰਿਸ਼ਾ ਦੀ ਕੈਦ ਤੋਂ ਰਿਹਾਅ ਹੋ ਗਿਆ। ਜਿਸ ਤੋਂ ਬਾਅਦ ਉਹ ਉੱਪਲ ਪੁਲਿਸ ਨਾਲ ਸੰਪਰਕ ਕੀਤਾ ਅਤੇ ਉਨ੍ਹਾਂ ਨੂੰ ਆਪਣੇ ਨਾਲ ਵਾਪਰੀ ਸਾਰੀ ਘਟਨਾ ਦੱਸਦਾ ਹੈ ਅਤੇ ਤ੍ਰਿਸ਼ਾ ਦੇ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ। ਪ੍ਰਣਵ ਦੀ ਸ਼ਿਕਾਇਤ ਤੋਂ ਬਾਅਦ ਪੁਲਿਸ ਨੇ ਜਾਂਚ ਕੀਤੀ ਅਤੇ ਮੁਲਜ਼ਮ ਤ੍ਰਿਸ਼ਾ ਨੂੰ ਗ੍ਰਿਫਤਾਰ ਕਰ ਲਿਆ। ਪੁਲਿਸ ਮੁਲਜ਼ਮਾਂ ਖ਼ਿਲਾਫ਼ ਅਜੇ ਹੋਰ ਪੁੱਛਗਿੱਛ ਕਰ ਰਹੀ ਹੈ।
