ਨਵੀਂ ਦਿੱਲੀ: ਲੋਕ ਸਭਾ ਚੋਣਾਂ 2024 ਲਈ ਆਮ ਆਦਮੀ ਪਾਰਟੀ ਨੇ ਅੱਜ ਚੋਣ ਪ੍ਰਚਾਰ ਸ਼ੁਰੂ ਕਰ ਦਿੱਤਾ ਹੈ। ਦਿੱਲੀ ਸਥਿਤ ਪਾਰਟੀ ਦਫ਼ਤਰ ਤੋਂ ਕਨਵੀਨਰ ਅਤੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨਾਲ ਮਿਲ ਕੇ 'ਸੰਸਦ ਵਿੱਚ ਵੀ ਕੇਜਰੀਵਾਲ, ਤਾਂ ਦਿੱਲੀ ਹੋਵੇਗੀ ਖੁਸ਼ਹਾਲ। ਚੋਣ ਮੁਹਿੰਮ ਦੀ ਸ਼ੁਰੂਆਤ ਕੀਤੀ। ਕੇਜਰੀਵਾਲ ਦੀ ਸਟੇਜ 'ਤੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਤੋਂ ਇਲਾਵਾ ਚਾਰੋਂ ਉਮੀਦਵਾਰ ਵੀ ਮੌਜੂਦ ਸਨ।
ਸੀਐਮ ਕੇਜਰੀਵਾਲ ਨੇ ਕੀ ਕਿਹਾ?: ਇਸ ਮੌਕੇ ਅਰਵਿੰਦ ਕੇਜਰੀਵਾਲ ਨੇ ਕਿਹਾ, "ਮੈਂ ਦਿੱਲੀ ਦੇ ਹਰ ਪਰਿਵਾਰ ਦਾ ਪੁੱਤਰ ਹਾਂ। ਮੈਂ ਦਿੱਲੀ ਲਈ ਇਕੱਲਾ ਲੜ ਰਿਹਾ ਹਾਂ। ਜੇਕਰ ਆਮ ਆਦਮੀ ਪਾਰਟੀ ਦੇ ਸੱਤ ਸੰਸਦ ਮੈਂਬਰ ਹਨ ਤਾਂ ਉਹ ਵੀ ਦਿੱਲੀ ਲਈ ਲੜਨਗੇ। ਮੈਨੂੰ ਦਿੱਲੀ ਦੀ ਲੋੜ ਹੈ ਅਤੇ ਦਿੱਲੀ ਨੂੰ ਮੇਰੀ ਲੋੜ ਹੈ।" ਉਥੇ ਹੀ ਭਾਜਪਾ ਬਾਰੇ ਉਨ੍ਹਾਂ ਕਿਹਾ ਕਿ ਭਾਜਪਾ ਵਾਲੇ ਦਿੱਲੀ ਵਾਸੀਆਂ ਦੀਆਂ ਵੋਟਾਂ ਨਹੀਂ ਚਾਹੁੰਦੇ। ਭਾਜਪਾ ਦੇ ਸੰਸਦ ਮੈਂਬਰਾਂ ਨੇ ਦਿੱਲੀ ਦੇ ਲੋਕਾਂ ਦੇ ਕੰਮ ਰੋਕੇ। ਲੋਕ ਸਭਾ ਚੋਣਾਂ ਤੋਂ ਬਾਅਦ ਜਦੋਂ ਦਿੱਲੀ 'ਚ ਤੁਹਾਡੇ ਸੱਤ ਸੰਸਦ ਮੈਂਬਰ ਹੋਣਗੇ ਤਾਂ ਦਿੱਲੀ ਦਾ ਸਾਰਾ ਕੰਮ ਹੋ ਜਾਵੇਗਾ।'' ਉਨ੍ਹਾਂ ਭਾਜਪਾ ਨੂੰ ਸਵਾਲ ਕੀਤਾ ਕਿ ਜਦੋਂ ਸੰਸਦ 'ਚ ਦਿੱਲੀ ਦੇ ਹੱਕ ਖੋਹੇ ਜਾ ਰਹੇ ਸਨ ਤਾਂ ਦਿੱਲੀ ਦੇ ਸੰਸਦ ਮੈਂਬਰ ਕਿੱਥੇ ਸਨ?
ਕੇਜਰੀਵਾਲ ਨੇ ਕਿਹਾ, "ਦਿੱਲੀ ਦੇ ਕਿਸੇ ਵੀ ਪਰਿਵਾਰ ਵਿੱਚ ਜੇਕਰ ਕੋਈ ਬੀਮਾਰ ਹੋ ਜਾਂਦਾ ਹੈ ਤਾਂ ਤਕਲੀਫ਼ ਹੁੰਦੀ ਹੈ। ਮੈਂ ਇਹ ਯਕੀਨੀ ਬਣਾਉਣ ਦੀ ਕੋਸ਼ਿਸ਼ ਕਰਦਾ ਹਾਂ ਕਿ ਹਰ ਬੱਚੇ ਨੂੰ ਉਹੀ ਸਿੱਖਿਆ ਮਿਲੇ, ਜੋ ਮੇਰੇ ਬੱਚਿਆਂ ਨੂੰ ਮਿਲੀ ਹੈ। ਮੈਂ ਜੋ ਮੈਨੂੰ ਮਿਲਦ ਹੈ, ਉਹ ਦਿੱਲੀ ਦੇ ਹਰ ਗਰੀਬ ਨੂੰ ਮਿਲਣਾ ਚਾਹੀਦਾ ਹੈ। ਪੈਸੇ ਦੀ ਘਾਟ ਕਾਰਨ ਕੋਈ ਕਮੀ ਨਹੀਂ ਆਉਣੀ ਚਾਹੀਦੀ।ਜਦੋਂ ਵੀ ਮੈਂ ਲੋਕਾਂ ਨੂੰ 24 ਘੰਟੇ ਮੁਫਤ ਬਿਜਲੀ, ਯੋਗਾ ਕਲਾਸਾਂ, ਹਸਪਤਾਲਾਂ ਵਿੱਚ ਦਵਾਈਆਂ ਆਦਿ ਦੇਣ ਦੀ ਚੰਗੀ ਕੋਸ਼ਿਸ਼ ਕੀਤੀ ਪਰ ਇਹ ਭਾਜਪਾ ਵਾਲੇ ਅਤੇ ਐੱਲ.ਜੀ.ਉਨ੍ਹਾਂ ਨੂੰ ਰੋਕਦੇ ਹਨ। ਕਿਉਂਕਿ ਤੁਸੀਂ ਦਿੱਲੀ ਵਿੱਚ ਆਪ ਦੀ ਸਰਕਾਰ ਬਣਾਈ ਸੀ, ਇਹ ਲੋਕ ਤੁਹਾਡੇ ਤੋਂ ਬਦਲਾ ਲੈ ਰਹੇ ਹਨ।
-
दिल्ली की जनता से अपील-
— Arvind Kejriwal (@ArvindKejriwal) March 8, 2024
आपके काम और दिल्ली के विकास को रोकने वालों को पहचानें, उन्हें इस बार उनके ग़लत कामों की सज़ा दें। आपके परिवार का हमेशा ख़्याल रखने वाले और इन लोगों से हमेशा आपको बचाने वाले अपने बेटे को इस बार अपना आशीर्वाद दें। https://t.co/6fC6RQR7Np
ਭਗਵੰਤ ਮਾਨ ਦਾ ਕੇਂਦਰ ਅਤੇ ਭਾਜਪਾ 'ਤੇ ਹਮਲਾ: ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਭਾਜਪਾ 'ਤੇ ਵਿਅੰਗ ਕਰਿਦਆਂ ਕਿਹਾ ਕਿ ''ਇਨ੍ਹਾਂ ਲੋਕਾਂ ਨੇ ਦੇਸ਼ ਨੂੰ ਕਰਿਆਨੇ ਦੀ ਦੁਕਾਨ ਬਣਾ ਦਿੱਤਾ ਹੈ।'' ਆਮ ਆਦਮੀ ਪਾਰਟੀ ਕੋਲ ਪੰਜਾਬ 'ਚ ਵਿਧਾਨ ਸਭਾ ਦੀਆਂ 92 ਅਤੇ ਦਿੱਲੀ 'ਚ 62 ਸੀਟਾਂ ਹਨ। ਦਿੱਲੀ ਵਿੱਚ 40 ਅਤੇ ਪੰਜਾਬ ਵਿੱਚ 60-62 ਸੀਟਾਂ ਹੁੰਦੀਆਂ ਤਾਂ ਸਾਡੀ ਸਰਕਾਰ ਬਹੁਤ ਪਹਿਲਾਂ ਤੋੜ ਦਿੱਤੀ ਜਾਣੀ ਸੀ, ਹਿਮਾਚਲ ਦੇ ਕੀ ਹਾਲਾਤ ਬਣਾ ਦਿੱਤੇ ਹਨ। ਅੱਜ ਮੈਂ ਤੁਹਾਨੂੰ ਇਹੀ ਬੇਨਤੀ ਕਰਨ ਆਇਆ ਹਾਂ ਕਿ ਦਿੱਲੀ ਵਿੱਚ ਅਰਵਿੰਦ ਕੇਜਰੀਵਾਲ ਦੇ ਹੱਥ ਮਜ਼ਬੂਤ ਕਰੋ।
ਉਨ੍ਹਾਂ ਕਿਹਾ ਕਿ ਅਰਵਿੰਦ ਕੇਜਰੀਵਾਲ ਇਕੱਲੇ ਲੜ ਰਹੇ ਹਨ। ਕੇਜਰੀਵਾਲ ਦੇ ਚੰਗੇ ਕੰਮਾਂ ਨੂੰ ਰੋਕਣ ਦੀ ਹਰ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਭਗਵੰਤ ਮਾਨ ਨੇ ਦਾਅਵਾ ਕੀਤਾ ਕਿ ਇਸ ਵਾਰ ਆਮ ਆਦਮੀ ਪਾਰਟੀ ਪੰਜਾਬ ਦੀਆਂ ਸਾਰੀਆਂ 13 ਸੀਟਾਂ ਜਿੱਤੇਗੀ।
