ULB Polls: ବାଲେଶ୍ବରର 211 ବୁଥରେ ଚାଲିଛି ମତଦାନ, ଉତ୍ସାହିତ ଭୋଟର

ବାଲେଶ୍ବର: ଆଜି(ଗୁରୁବାର) ବାଲେଶ୍ଵରର 3ଟି ମ୍ୟୁନିସିପାଲିଟି ଓ ଦୁଇଟି ଏନଏସିରେ ଚାଲିଛି ମତଦାନ । ସମୁଦାୟ 211ଟି ବୁଥ ହୋଇଥିବା ବେଳେ ସେଥିମଧ୍ୟରୁ 125ଟି ବୁଥ ସମ୍ବେଦନଶୀଳ ଭାବେ ଚିହ୍ନଟ ହୋଇଛି । ଏଥିପାଇଁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ତେବେ ବାଲେଶ୍ଵରର 31ଟି ୱାର୍ଡ, ସୋରର 19ଟି, ଜଳେଶ୍ୱରର 17ଟି, ନୀଳଗିରିର 13ଟି ଏବଂ ରେମୁଣାର 13ଟି ୱାର୍ଡରେ ନିର୍ବାଚନ ପ୍ରକ୍ରିୟା ଚାଲିଛି । ଅଧ୍ୟକ୍ଷ ପ୍ରାର୍ଥୀ ଭାବେ ବାଲେଶ୍ଵରରେ 5 ଜଣ ପ୍ରାର୍ଥୀ, ସୋରରେ 4 ଜଣ, ଜଳେଶ୍ୱରରେ 4 ଜଣ , ନୀଳଗିରିରେ 5 ଜଣ ଓ ରେମୁଣାରେ 3 ଜଣ ଲଢ଼ୁଛନ୍ତି । ସେହିପରି ବାଲେଶ୍ଵରରେ 121, ସୋରରେ 57, ଜଳେଶ୍ବରରେ 55, ନୀଳଗିରିରେ 41 ଓ ରେମୁଣାରେ 45 ଜଣ କାଉନସିଲର ପ୍ରାର୍ଥୀ ନିର୍ବାଚନ ଲଢ଼ୁଛନ୍ତି । ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ