କଏଦୀ ଓ ଜେଲ କର୍ମଚାରୀଙ୍କୁ ରାକ୍ଷୀ ବାନ୍ଧିଲେ କିନ୍ନର

ଯାଜପୁର: ଆଜି ପବିତ୍ର ରାକ୍ଷୀପୂର୍ଣ୍ଣିମା । ଖଣ୍ଡିଏ ସୂତାରେ ଯୋଡ଼ି ହୋଇ ଯାଏ ଜୀବନର ଅତୁଟ ବନ୍ଧନ । ଭଉଣୀର ସୁଖରେ ସୁଖି ଓ ଦୁଃଖରେ ଦୁଃଖି ହୁଏ ଭାଇ । ଏହି ପବିତ୍ର ପର୍ବ ପାଇଁ ଉତ୍ସବମୁଖର ପୁରପଲ୍ଲୀ । ଯାଜପୁର ରଗଡି ଜେଲରେ ନିଆରା ଭାବେ କଏଦୀ ଓ ଜେଲ କର୍ମଚାରୀଙ୍କୁ ରାକ୍ଷୀ ବାନ୍ଧିଛନ୍ତି କିନ୍ନର l ଜିଲ୍ଲା କିନ୍ନର ଆସୋସିଏସନର ସଭାପତି କାଜଲ ନାୟକଙ୍କ ନେତୃତ୍ବରେ କିନ୍ନରମାନେ ରଗଡି ଜେଲରେ ପହଞ୍ଚିଥିଲେ l ରୀତିନୀତି ଅନୁଯାୟୀ ଜେଲରେ ଥିବା ଶତାଧିକ କଏଦୀ ଓ କର୍ମଚାରୀଙ୍କୁ ବନ୍ଦାପନା କରି ମିଠା ଖୁଆଇ ରାକ୍ଷୀ ବାନ୍ଧିଥିଲେ କିନ୍ନର । ରାକ୍ଷୀ ବାନ୍ଧିଥିବାରୁ ସେମାନଙ୍କୁ ଧନ୍ୟବାଦ ଦେଇଛନ୍ତି ଜେଲର କର୍ମଚାରୀ ।