ସିଞ୍ଜୋ ଆବେଙ୍କ ଶେଷକୃତ୍ୟରେ ମୋଦି ସାମିଲ, ଦେଲେ ଶ୍ରଦ୍ଧାଞ୍ଜଳି

ଟୋକିଓ: ଜାପାନରେ ପରମ୍ପରା ଅନୁସାରେ ଆଜି ପୂର୍ବତନ ପ୍ରଧାନମନ୍ତ୍ରୀ ସିଞ୍ଜୋ ଆବେଙ୍କ ଶେଷକୃତ୍ୟ ସମ୍ପନ୍ନ ହୋଇଛି । ଏଥିରେ ପ୍ରମୁଖ ରାଷ୍ଟ୍ରମୁଖ୍ୟଙ୍କ ସହ ଭାରତର ପ୍ରଧାନମନ୍ତ୍ରୀ ସାମିଲ ହୋଇଥିଲେ । ସିଞ୍ଜୋ ଆବେଙ୍କୁ ନତମସ୍ତକ ହୋଇ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ପ୍ରଧାନମନ୍ତ୍ରୀ ମୋଦି । ରାଷ୍ଟ୍ରୀୟ ମର୍ଯ୍ୟାଦାର ସହ ଶେଷକୃତ୍ୟ ସମ୍ପନ୍ନ ହୋଇଛି । ୧୦୦ଟି ଦେଶର ପ୍ରତିନିଧିଙ୍କ ସହ ୨୦ଟି ପ୍ରମୁଖ ରାଷ୍ଟ୍ରମୁଖ୍ୟ ମଙ୍ଗଳବାର ସିଞ୍ଜୋ ଆବେଙ୍କ ଶେଷକୃତ୍ୟରେ ସାମିଲ ହୋଇଥିବା ନେଇ ସୂଚନା ମିଳିଛି । ଜୁଲାଇ 8 ତାରିଖ ଜାପାନର ସ୍ଥାନୀୟ ସମୟ 11.30ରେ ଓସାକା ସହରରେ ସିଞ୍ଜୋ (shinzo abe death ) ଏକ ନିର୍ବାଚନୀ ସଭାକୁ ସମ୍ବୋଧିତ କରିବାବେଳେ ହଠାତ ଖୁବ ନିକଟରୁ ଗୁଳିମାଡ କରିଥିଲା ଜଣେ ଦୁର୍ବୃତ୍ତ । ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲେ ସୁଦ୍ଧା ତାର ମାତ୍ର କିଛି ଘଣ୍ଟା ମଧ୍ୟରେ ତାଙ୍କର ମୃତ୍ୟୁ ହୋଇଥିଲା । ଗୁଳି ଚଳାଇଥିବା ଆତତାୟୀଜଣଙ୍କ ଜଣେ ପୂର୍ବତନ ନୌସେନା ଅଧିକାରୀ ଭାବେ ମଧ୍ୟ ଚିହ୍ନଟ ହୋଇଥିଲା ।