ନରେନ୍ଦ୍ର ମୋଦି ଷ୍ଟାଡିୟମରେ 36ତମ ଜାତୀୟ କ୍ରୀଡ଼ାର ଉଦଘାଟନ କଲେ ପ୍ରଧାନମନ୍ତ୍ରୀ

ଗାନ୍ଧୀନଗର: ଅହମ୍ମଦାବାଦସ୍ଥିତ ନରେନ୍ଦ୍ର ମୋଦି ଷ୍ଟାଡିୟମରେ 36ତମ ଜାତୀୟ କ୍ରୀଡ଼ାର ଉଦଘାଟନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (PM inaugurated 36th National sports)। ନରେନ୍ଦ୍ର ମୋଦିଙ୍କ ସହ ଗୁଜୁରାଟ ମୁଖ୍ୟମନ୍ତ୍ରୀ ଭୁପେନ୍ଦ୍ର ପଟେଲ ମଧ୍ୟ ଉପସ୍ଥିତ ରହିଥିଲେ । ଜାତୀୟ କ୍ରୀଡ଼ାକୁ ନେଇ ଆଜି ଏକ ଭବ୍ୟ ଉଦଘାଟନ ସମାରୋହର ଆୟୋଜନ କରାଯାଇଥିଲା । ଦୀର୍ଘ ୭ ବର୍ଷ ପରେ ପୁନଃ ଜାତୀୟ କ୍ରୀଡ଼ାର ଆୟୋଜନ ହେଉଛି । ଶେଷ ଥର ପାଇଁ ୨୦୧୫ରେ ଏହି ଜାତୀୟ କ୍ରୀଡ଼ାର ଆୟୋଜନ କରିଥିଲା କେରଳ । ୨୮ ରାଜ୍ୟର ପ୍ରାୟ ୭ ହଜାର କ୍ରୀଡ଼ାବିତଙ୍କ ସହ ସେନା ଦଳ ଏଥିରେ ଭାଗ ନେଇଛନ୍ତି ।