କରତାଳି ଦେଇ ଜନତା କର୍ଫ୍ୟୁକୁ ସମର୍ଥନ କଲେ ରାୟଗଡାବାସୀ

ରାୟଗଡା: ସମଗ୍ର ମାନବ ଜାତି ପାଇଁ ସଙ୍କଟମୟ ପରିସ୍ଥିତି ସୃଷ୍ଟି କରିଛି ମହାମାରୀ କୋରୋନା ଭାଇରସ । ଏହାର ମୁକାବିଲା ପାଇଁ ପ୍ରଧାନମନ୍ତ୍ରୀଙ୍କ ଘୋଷଣା ପରେ ରବିବାର ଜନତା କର୍ଫ୍ୟୁ ପାଳନ କରାଯାଇଛି । ଏହି ମହାମାରୀରେ କାର୍ଯ୍ୟ କରୁଥିବା ଡାକ୍ତର, ପୋଲିସ, ଗଣମାଧ୍ୟମ, ସାମ୍ବାଦିକଙ୍କୁ ଉତ୍ସାହିତ କରିବା ପାଇଁ କରତାଳି ମାରିବା ସହ ଘଣ୍ଟଘଣ୍ଟା ବଜାଇ ଦେଶର ଜନତା ସମର୍ଥନ କରିଛନ୍ତି । ରବିବାର ରାୟଗଡା ଜିଲ୍ଲାରେ ମଧ୍ୟ ଜନତା କର୍ଫ୍ୟୁ ପାଳନ ପରେ ସାଧାରଣ ଲୋକେ କରତାଳି ଦେଇ ଜନତା କର୍ଫ୍ୟୁକୁ ସମର୍ଥନ କରିଛନ୍ତି । ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ