ହାଇଦ୍ରାବାଦ: ବଲିଉଡ୍ ଅଭିନେତ୍ରୀ କଙ୍ଗନା ରାଣାୱତଙ୍କ ଫିଲ୍ମ 'ଏମରଜେନ୍ସି' ଆଜି(ଜାନୁଆରୀ 17)ରେ ରିଲିଜ ହୋଇଛି । ଏହି ସମୟରେ ଫିଲ୍ମ ରିଲିଜ ନେଇ ପଞ୍ଜାବରେ ଦୃଢ ବିରୋଧ ଆରମ୍ଭ ହୋଇଛି । ପଞ୍ଜାବର ପ୍ରତ୍ୟେକ ହଲର ପ୍ରଥମ ଦିନର ଶୋ' ବାତିଲ୍ କରାଯାଇଥିବା ବେଳେ ରିଲିଜ ବ୍ୟାନ୍ କରିବାକୁ ଦାବି କରାଯାଉଛି । ଶିରୋମଣି ଗୁରୁଦ୍ୱାର ପ୍ରବନ୍ଧକ କମିଟି (SGPC) ଫିଲ୍ମ ଉପରେ ପ୍ରତିବନ୍ଧକ ଲଗାଇବାକୁ ଦାବି କରିଛି । ରିଲିଜର ଗୋଟିଏ ଦିନ ପୂର୍ବରୁ ଅର୍ଥାତ୍ ଗତକାଲି SGPC ଅଧ୍ୟକ୍ଷ ଆଡଭୋକେଟ୍ ହରଜିନ୍ଦର ସିଂହ ଧାମି ପଞ୍ଜାବରେ ଫିଲ୍ମର ରିଲିଜ୍ ଉପରେ ରୋକ ଲଗାଇବା ପାଇଁ ମୁଖ୍ୟମନ୍ତ୍ରୀ ଭଗବନ୍ତ ମାନଙ୍କୁ ଚିଠି ମଧ୍ୟ ଲେଖିଥିଲେ ।
#WATCH | Punjab | Security heightened outside a cinema hall in Amritsar, ahead of the screening of actress Kangana Ranaut's 'Emergency'
— ANI (@ANI) January 17, 2025
SGPC has urged the Punjab Government to impose a ban forthwith on the movie ‘Emergency’ in all the cinema halls in the state of Punjab. pic.twitter.com/c6pHoBrqzk
ପଞ୍ଜାବରେ 'ଏମରଜେନ୍ସି' ରିଲିଜକୁ ବିରୋଧ
କହିରଖୁଛୁ କି, କଙ୍ଗନା ରାଣାୱତଙ୍କ 'ଏମରଜେନ୍ସି'କୁ ପଞ୍ଜାବରେ ବହୁତ ଦିନ ଧରି ବିରୋଧ କରାଯାଉଛି । ଫିଲ୍ମର ଟ୍ରେଲର ରିଲିଜ ପରେ ଅନେକ ଦୃଶ୍ୟ ଶିଖଙ୍କ ଛବିକୁ କ୍ଷତି ପହଞ୍ଚାଇବାର ଅଭିଯୋଗ ଆସିଥିଲା, ଯାହା ପରେ ଫିଲ୍ମକୁ ଅନେକ ସିନ କାଟି ସହ ବହୁତ ଏଡିଟିଂ କରାଯାଇଥିଲା । ଏହା ପରେ 'ଏମରଜେନ୍ସି' ରିଲିଜକୁ ଅନୁମତି ମିଳିଥିଲା । ହେଲେ ଏହା ସତ୍ତ୍ୱେ ବି ଫିଲ୍ମ ଆଜି ରିଲିଜ ହୋଇଥିବା ବେଳେ ପଞ୍ଜାବରେ ପୁଣି ବିରୋଧ କରାଯାଇଛି । ସିନେମା ହଲ୍ ସାମ୍ନାରେ କଳାପତାକା ଧରି ଫିଲ୍ମକୁ ବିରୋଧ ପ୍ରଦର୍ଶନ କରୁଥିବା ବେଳେ ପ୍ରଥମ ଦିନର ଶୋ' ବାତିଲ କରାଯାଇଛି ।
#WATCH | Punjab | Members of SGPC gathered outside a cinema hall in Amritsar to protest over the screening of actress Kangana Ranaut's film 'Emergency'
— ANI (@ANI) January 17, 2025
SGPC urged the Punjab Government to impose a ban forthwith on the movie ‘Emergency’ in all the cinema halls in the state of… pic.twitter.com/6lNZtHAUO4
କଳା ପତାକା ଦେଖାଇ ପ୍ରତିବାଦ
କଙ୍ଗନା ରାଣାୱତଙ୍କ ଫିଲ୍ମ 'ଏମରେଜନ୍ସି'କୁ ପଞ୍ଜାବର ବିଭିନ୍ନ ସିନେମା ହଲ୍ ବାହାରେ କଳା ପତାକା ଦେଖାଇ ବିରୋଧ କରାଯାଉଛି ଏବଂ କଙ୍ଗନାଙ୍କ ଫିଲ୍ମ ବିରୋଧରେ ବିଭିନ୍ନ ସ୍ଲୋଗାନ ଦିଆଯାଉଛି । ଏହି ସମୟରେ ଶିରୋମଣି କମିଟିର ମୁଖ୍ୟ ସଚିବ କୁଲୱନ୍ତ ସିଂ କହିଛନ୍ତି, 'ଅଭିନେତ୍ରୀ କଙ୍ଗନା ରାଣାୱତଙ୍କୁ ଆମେ ଆରମ୍ଭରୁ ପଞ୍ଜାବ ବିରୋଧରେ କରୁଛୁ ଏବଂ ଗତ ଦିନ ସେ ଏହି ଚଳଚ୍ଚିତ୍ରକୁ ବନ୍ଦ କରିବା ପାଇଁ ଅମୃତସର ଡେପୁଟି କମିଶନରଙ୍କୁ ଚିଠି ଲେଖିଥିଲେ । ମୁଁ ମଧ୍ୟ କମିଶନରଙ୍କୁ ଭେଟିଥିଲେ। ଅମୃତସରର ଡେପୁଟି କମିଶନର ମଧ୍ୟ ପ୍ରତିଶ୍ରୁତି ଦେଇଛନ୍ତି ଯେ ସେ ଏହି ଫିଲ୍ମକୁ ବନ୍ଦ କରିବା ପାଇଁ ଗୃହ ମନ୍ତ୍ରଣାଳୟ ସହ କଥା ହେବେ । ଏହା ସହିତ ସେ କହିଛନ୍ତି ଯେ ସେ ଏହି ଫିଲ୍ମକୁ ପଞ୍ଜାବରେ କୌଣସି ସ୍ଥାନରେ ରିଲିଜ୍ ହେବାକୁ ଦେବେ ନାହିଁ ।
#WATCH | Punjab | On the release of actress Kangana Ranaut's 'Emergency' in Punjab, one of the SGPC members says, " our protest today is over the release of kangana ranaut's 'emergency'. in this film history of the sikh religion and the history of 1984 has been presented in a… pic.twitter.com/FJmrfE6R1K
— ANI (@ANI) January 17, 2025
ଥିଏଟର ସାମ୍ନାରେ କଡ଼ା ପୋଲିସ ମୁତୟନ
କଙ୍ଗନା ରାଣାୱତଙ୍କ ଫିଲ୍ମ 'ଏମରଜେନ୍ସି' ଉପରେ ପ୍ରତିବନ୍ଧକ ଲଗାଇବାକୁ ଶିରୋମଣି ଗୁରୁଦ୍ୱାର ପ୍ରବନ୍ଧକ କମିଟି ଦାବି କରିବା ପରେ ପଞ୍ଜାବର ଅମୃତସରର ପିଭିଆର ସିନେମା ବାହାରେ ବହୁ ସଂଖ୍ୟକ ପୋଲିସ ମୁତୟନ କରାଯାଇଛି । ଭାରତୀୟ ଜନତା ପାର୍ଟି (ବିଜେପି) ଦ୍ୱାରା ନିର୍ମିତ ଏହି ଚଳଚ୍ଚିତ୍ରକୁ ବିରୋଧ କରିବାକୁ ଶିରୋମଣି ଗୁରୁଦ୍ୱାର ପ୍ରବନ୍ଧକ କମିଟି ନିଷ୍ପତ୍ତି ନେଇଛି । କହିରଖୁଛୁ କି, ଗତକାଲି ଶିରୋମଣି ଗୁରୁଦ୍ୱାର ପ୍ରବନ୍ଧକ କମିଟିର ସଭାପତି ହରଜିନ୍ଦର ସିଂହ ଧାମି ପଞ୍ଜାବ ମୁଖ୍ୟମନ୍ତ୍ରୀ ଭଗବନ୍ତ ସିଂହ ମାନଙ୍କୁ ଏକ ଚିଠି ଲେଖିଥିଲେ । ଧାମି ଚିଠିରେ କହିଥିଲେ,'ଯଦି ଫିଲ୍ମଟି ପଞ୍ଜାବରେ ରିଲିଜ ହୁଏ, ତେବେ ଏହା ଶିଖ ସମ୍ପ୍ରଦାୟ ମଧ୍ୟରେ "କ୍ରୋଧ ଏବଂ ଅସନ୍ତୋଷ" ସୃଷ୍ଟି କରିବ ଏବଂ ତେଣୁ ରାଜ୍ୟରେ ଏହାର ରିଲିଜ୍ ବନ୍ଦ କରିବା ସରକାରଙ୍କ ଦାୟିତ୍ୱ ।'
ଏହା ମଧ୍ୟ ପଢନ୍ତୁ: କାଲି ପରଦାକୁ ଆସୁଛି 'ଏମରଜେନ୍ସି', ମାତ୍ର ଏତିକି ଟଙ୍କାରେ ଦେଖିପାରିବେ ଫିଲ୍ମ
#WATCH | Chandigarh: On the release of actress Kangana Ranaut's 'Emergency', Congress MP and party's Punjab chief Amarinder Singh Raja Warring says, " whenever such films are made, the facts are twisted in them... a film won't succeed if there is no 'masala'... it is not right… pic.twitter.com/Gp5a2tb9lI
— ANI (@ANI) January 17, 2025
'ଏମରଜେନ୍ସି' ଫିଲ୍ମ ବିଷୟରେ କହିବାକୁ ଗଲେ, ଏହି ଚଳଚ୍ଚିତ୍ରଟି, 1975-1977 ଦୁଇ ବର୍ଷର ଭାରତର ଅନ୍ଧକାର ଅଧ୍ୟାୟ ଉପରେ ଆଧାରିତ । ଯେତେବେଳେ ତତ୍କାଳୀନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀ 1975 ଜୁନ 25 ମଧ୍ୟରାତ୍ରିରୁ ଦେଶବ୍ୟାପୀ ଏମରଜେନ୍ସି ଘୋଷଣା କରିଥିଲେ । ଏହି ଚଳଚ୍ଚିତ୍ରରେ କଙ୍ଗନା ରାଣାୱତ ଭାରତର ପ୍ରଥମ ମହିଳା ପ୍ରଧାନମନ୍ତ୍ରୀ ଶ୍ରୀମତୀ ଇନ୍ଦିରା ଗାନ୍ଧୀଙ୍କ ଭୂମିକାରେ ଅଭିନୟ କରିବାକୁ ଯାଉଛନ୍ତି । କଙ୍ଗନାଙ୍କ ସମେତ ଏଥିରେ ଅନୁପମ ଖେର, ଶ୍ରେୟସ ତଲପଡେ, ଦିବଙ୍ଗତ ଅଭିନେତା ସତୀଶ କୌଶିକ, ମିଲିନ୍ଦ ସୋମାନ, ମହିଲା ଚୌଧୁରୀ ଏବଂ ବିଶାକ ନାୟର ନଜର ଆସିବେ । ଏହି ଚଳଚ୍ଚିତ୍ରଟିରେ ଅଭିନୟ ସହ କଙ୍ଗନା ରାଣାୱତ ନିର୍ଦ୍ଦେଶନା ମଧ୍ୟ ଦେଇଛନ୍ତି । କଙ୍ଗନା ଗତ 9 ବର୍ଷ ଧରି ବକ୍ସ ଅଫିସରେ ଫ୍ଲପ୍ ହୋଇଆସୁଥିଲେ ଏବଂ ଏହି ଚଳଚ୍ଚିତ୍ରରୁ ତାଙ୍କର ବହୁତ ଆଶା ଅଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
