Azadi ka Amrit Mahotsav: ୧ କିମି ଲମ୍ବ ଜାତୀୟ ପତାକା ଶୋଭାଯାତ୍ରା

ବରଗଡ଼: ସ୍ବାଧୀନତାର ୭୫ତମ ବର୍ଷ ପୂର୍ତ୍ତି ଅବସରରେ ସାରା ଦେଶ "ଆଜାଦି କା ଅମୃତ ମହୋତ୍ସବ" ପାଳନ କରୁଛି। ଏହି ପରିପ୍ରେକ୍ଷୀରେ ଅଗଷ୍ଟ କ୍ରାନ୍ତି ଦିବସ ଉପଲକ୍ଷେ ବରଗଡ଼ ଜିଲ୍ଲାରେ ବିକାଶ ଗ୍ରୁପ ପକ୍ଷରୁ ତ୍ରିରଙ୍ଗା ଶୋଭାଯାତ୍ରାର ଆୟୋଜନ ହୋଇଛି । ବରଗଡ଼ ଲେଙ୍ଗୁ ମିଶ୍ର ଛକଠାରୁ ଆରମ୍ଭ ହୋଇ ବରାହାଗୋଡା ପର୍ଯ୍ୟନ୍ତ ଏହି ଶୋଭାଯାତ୍ରାରେ ହଜାର ହଜାର ଲୋକ ସାମିଲ ହୋଇଛନ୍ତି । ଜାତୀୟ ପତାକାର ଲମ୍ବ ୧କିମି ହୋଇଥିବାବେଳେ ଉଚ୍ଚତା ୯ ଫୁଟ ରହିଛି । ଛାତ୍ରଛାତ୍ରୀଙ୍କଠାରୁ ଆରମ୍ଭ କରି ରାଜନେତା, ବହୁ ସମାଜ ସେବୀ ଏବଂ ଜନସାଧାରଣ "ହର ଘର ତ୍ରିରଙ୍ଗା" ଯାତ୍ରାରେ ନିଜକୁ ସାମିଲ କରିଛନ୍ତି । ଇଟିଭି ଭାରତ, ବରଗଡ଼