ଆରପାରିରେ ବିଧାୟକ ବିଷ୍ଣୁ ସେଠୀ, ଶୋକ ବ୍ୟକ୍ତ କଲେ ନେତା-ମନ୍ତ୍ରୀ

ଭୁବନେଶ୍ବର: ପରଲୋକରେ ଧାମନଗର ବିଧାୟକ ତଥା ବିଜେପି ନେତା ବିଷ୍ଣୁ ସେଠୀ(ultimate demise of BJP MLA Bishnu Sethy ) । 61 ବର୍ଷ ବୟସରେ ଚିକିତ୍ସାଧୀନ ଅବସ୍ଥାରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ତେବେ ବିଧାନସଭା ବିରୋଧୀ ଦଳ ଉପନେତାଙ୍କ ଅକାଳ ବିୟୋଗରେ ରାଜ୍ୟର ଅନେକ ନେତା ଓ ମନ୍ତ୍ରୀ ଶୋକ ପ୍ରକାଶ କରିଛନ୍ତି । କିଏ ବିଷ୍ଣୁଙ୍କ ବନ୍ଧୁତ୍ବ କଥା କହି ଝୁରୁଛନ୍ତି ତ ପୁଣି କେହି ତାଙ୍କ ନେତୃତ୍ବ ଶୈଳୀକୁ ମନେ ପକାଇଛନ୍ତି । ଭୁବନେଶ୍ବରସ୍ଥିତ ଏମ୍ସ ହସ୍ପିଟାଲରେ ଚିକିତ୍ସିତ ଥିଲେ ବିରୋଧୀ ଦଳ ଉପନେତା ବିଷ୍ଣୁ ସେଠୀ । 2ଥର ବିଧାୟକ ଥିବା ବିଷ୍ଣୁ ସେଠୀ ଏକାଧାରରେ ଜଣେ ଲେଖକ ଓ କବି ଭାବେ ବେଶ୍‌ ଜଣାଶୁଣା ଥିଲେ ।