ଲାଇଭ କନସର୍ଟ ପରେ ନୀରବି ଗଲେ KK, ମୃତ୍ୟୁ ପୂର୍ବରୁ ଦେଖନ୍ତୁ ତାଙ୍କ ଶେଷ କନସର୍ଟ

କୋଲକାତା: ବଲିଉଡ ପ୍ରସିଦ୍ଧ ଗାୟକ କେକେଙ୍କ ବିୟୋଗ ହୋଇଛି । ଏ ଖବର ଶ୍ରୋତାଙ୍କ ପାଇଁ ବିଶ୍ବାସ କରିବା ସହଜ ହେଉନାହିଁ। ହେବ ବା କିପରି । କାଲି ଯିଏ ଲୋକଙ୍କ ଗହଣରେ ଗୀତ ଗାଇ ସ୍ବରର ଯାଦୁରେ ମନ ମୋହୁଥିଲା ଆଜି ସେ ଅଫେରା ରାଇଜରେ । ସବୁ ଦିନ ପାଇଁ ନୀରବି ଯାଇଛି କେକେଙ୍କ ସ୍ବର । କୋଲକାତାର ନଜରୁଲ ମଞ୍ଚରେ ଗୀତ ଗାଇବା ଥିବା ତାଙ୍କ ଶେଷ କନସର୍ଟ । କିଏ ଜାଣିଥିଲା କୋଟି କୋଟି ଲୋକଙ୍କ ହୃଦୟରେ ଘର କରିଥିବା ଗାୟକ ଏମିତି ଅକାଳରେ ଝଡିଯିବ । ଦେଖନ୍ତୁ କେକେଙ୍କ ଶେଷ କନସର୍ଟ ।