ସୂକ୍ଷ୍ମ କାରିଗରୀରେ ନୂତନ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଶୁଭେଚ୍ଛା

ଖୋର୍ଦ୍ଧା: ପ୍ରଥମ ଆଦିବାସୀ ମହିଳା ଭାବେ ଭାରତର ପଞ୍ଚଦଶ ରାଷ୍ଟ୍ରପତି ହୋଇଛନ୍ତି ଦ୍ରୌପଦୀ ମୁର୍ମୁ । ରାଇରଙ୍ଗପୁରର ଅଖ୍ୟାତ ପଲ୍ଲୀର ଝିଅ ଦ୍ରୌପଦୀ ମୁର୍ମୁ ରାଇସିନା ହିଲ୍‌ରେ ପହଞ୍ଚିଛନ୍ତି । ଏନେଇ ସାରା ଜିଲ୍ଲାରେ ଖୁସିର ମାହୋଲ ଦେଖାଦେଇଛି । ଦ୍ରୌପଦୀ ମୁର୍ମୁଙ୍କୁ ଛୁଟିଛି ଶୁଭେଚ୍ଛାର ସୁଅ । ଖୋର୍ଦ୍ଧା ଜିଲ୍ଲାର ଜଣେ ଶିଳ୍ପୀ ଏଲ ଈଶ୍ୱର ରାଓ ଦେଶର ନୂଆ ରାଷ୍ଟ୍ରପତିଙ୍କୁ ନିଆରା ଢଙ୍ଗରେ ଶୁଭେଚ୍ଛା ଜଣାଇଛନ୍ତି । ଏକ କାଚ ବୋତଲ ଭିତରେ ସାଢ଼େ ତିନି ଇଞ୍ଚ ଉଚ୍ଚତା ଓ ସାଢ଼େ ଦୁଇ ଇଞ୍ଚ ଚଉଡା ବିଶିଷ୍ଟ ଦ୍ରୌପଦୀଙ୍କ ଫଟୋ ଚିତ୍ର କଳାକୃତି କରିଛନ୍ତି ଶିଳ୍ପୀ ଈଶ୍ୱର ରାଓ ।