ଟିମକୁ ବୁମରାଙ୍କ କମବ୍ୟାକ୍‌ ପରେ ଏମତି କହିଲେ କ୍ୟାପଟେନ୍‌ ରୋହିତ

ଭାରତୀୟ ଫାଷ୍ଟ ବୋଲର ଜଶପ୍ରିତ ବୁମରା ( Jasprit Bumrah ) ଆହତ କାରଣରୁ ଦଳରୁ ବାଦ ପଡିଥିଲେ । ପରେ ତାଙ୍କର ଫିଟନେସ ଯାଞ୍ଚ ପରେ ସେ ଟି-୨୦ ବିଶ୍ବକପ ସ୍କ୍ବାଡରେ ସ୍ଥାନ ପାଇଛନ୍ତି । ଏକ ସମ୍ବାଦିକ ସମ୍ମିଳନୀରେ ଅଧିନାୟକ ରୋହିତ ଶର୍ମା ( Rohit Sharma ) ଜଶପ୍ରିତ ବୁମରାଙ୍କ ପ୍ରଦର୍ଶନକୁ ପ୍ରଶଂସା କରିଛନ୍ତି । ଏସିଆ କପରେ ଭାରତୀୟ ବୋଲିଂ ଦୁର୍ବଳତା ସାମ୍ନାକୁ ଆସିଥିଲେ । ଟିମ ଇଣ୍ଡିଆର ବୋଲିଂ ସ୍ଥିତିକୁ ନେଇ ରୋହିତ କହିଛନ୍ତି ବୁମରାଙ୍କ ଭୂମିକା ଦଳ ପାଇଁ ବହୁତ ଗୁରୁତ୍ବପୂର୍ଣ୍ଣ ଅଟେ । ସେ ଦଳ ପାଇଁ ସବୁବେଳେ ଦମଦାର ବୋଲିଂ କରିଛନ୍ତି । ବୁମରା ଦଳର ଜଣେ ଆକ୍ରମଣାତ୍ମକ ବୋଲର ଅଟନ୍ତି । ତାଙ୍କ ଭଳି ଆକ୍ରମଣାତ୍ମକ ବୋଲର ଦଳ ପାଇଁ ନିତାନ୍ତ ଆବଶ୍ୟକ । ବୁମରାଙ୍କ ପ୍ରତ୍ୟାବର୍ତ୍ତନ ଦଳର ସ୍ଥିତିକୁ ମଜବୁତ କରିବ ।