ଚିତ୍ରଶିଳ୍ପୀ ମନୀଷାଙ୍କୁ ଇଣ୍ଟରନ୍ୟାସନାଲ ଆଇଡଲ ଆୱାର୍ଡ

ବ୍ରହ୍ମପୁର: ଚିତ୍ରଶିଳ୍ପୀ ମନୀଷାଙ୍କୁ ଇଣ୍ଟରନ୍ୟାସନାଲ ଆଇଡଲ ଆୱାର୍ଡ (International Idol Awards 2022) । ମହାରାଷ୍ଟ୍ରର ନାସିକ ସ୍ଥିତ ସାଲିମାର ଠାରେ ବିଦ୍ୟାର୍ଥୀ ମନିଷା କୁମାରୀ ପଣ୍ଡାଙ୍କୁ ଏହି ସମ୍ମାନରେ ସମ୍ମାନୀତ କରାଯାଇଛି । କଳା କ୍ଷେତ୍ରରେ ନିଷ୍ଠାପରତା ଓ ପ୍ରଗାଢ ଚେଷ୍ଟା ପାଇଁ ନିର୍ବାଣ ଫାଉଣ୍ଡେସନ ପକ୍ଷରୁ ଆୟୋଜିତ ଉତ୍ସବରେ ତାଙ୍କୁ ମାନପତ୍ର ସହ ଟ୍ରଫି ପ୍ରଦାନ କରାଯାଇଛି । ଏହି କାର୍ଯ୍ୟକ୍ରମରେ ମିସେସ ଇଣ୍ଡିଆ ଇଣ୍ଟରନ୍ୟାସନାଲ ଶିଳ୍ପୀ ଅୱସ୍ଥିଙ୍କ ସମେତ ଆଫ୍ରିକା ଓ ଜିମ୍ୱାୱେର ଏକାଧିକ ସାମାଜିକ କର୍ମୀ ଉପସ୍ଥିତ ରହି ମନୀଷାଙ୍କୁ ଟ୍ରଫି ପ୍ରଦାନ କରିଥିଲେ । ମନିଷା କୁମାରୀ ବ୍ରହ୍ମପୁର ସହରର ଆମ୍ୱପୁଆ ନିକଟ ମାରୁତୀ ନଗର ଦ୍ୱିତୀୟ ଲେନରେ ରହୁଥିବା ବେଳେ ବାପା ନୀଳମାଧ୍ୟବ ପଣ୍ଡା ଓ ନକ୍ଷେତ୍ରମାଳା ପଣ୍ଡା । ସେ ମହାମାୟୀ ମହିଳା ମହାବିଦ୍ୟାଳୟରୁ ଯୁକ୍ତ ଦୁଇ ପାସ କରିଛନ୍ତି । ଖଲିପତ୍ର, ଅଦରକାରୀ କାଗଜ, ସିଡି ସହ ଅନ୍ୟାନ୍ୟ ବିଭିନ୍ନ ପ୍ରକାରର ସାମଗ୍ରୀରେ ମହାପ୍ରଭୁ ଜଗନ୍ନାଥଙ୍କ ବିଭିନ୍ନ ଅବତାର ସହ ଦେବାଦେବୀଙ୍କ ଅତି ସୁନ୍ଦର ପଟ୍ଟଚିତ୍ର ତିଆରି କରିଥାନ୍ତି । ଏହା ମାଧ୍ୟମରେ ଓଡ଼ିଶାର କଳା ଓ ସଂସ୍କୃତିକୁ ବିଶ୍ବ ଦରବାରରେ ପହଞ୍ଚାଇବାକୁ ଲକ୍ଷ୍ୟ ରଖି ସେ ପୂର୍ବରୁ ନ୍ୟାସନାଲ ବୁକ୍ ରେକର୍ଡ୍ସରେ ନିଜ ନାମକୁ ସ୍ଥାନୀତ କରିବା ସହ ଏକାଧିକ ସମ୍ମାନରେ ସମ୍ମାନୀତ ହୋଇଛନ୍ତି ।