ବାଲେଶ୍ବରରେ ଡାକଘର ଆଗରେ କଂଗ୍ରେସର ବିକ୍ଷୋଭ

ବାଲେଶ୍ଵର: ନ୍ୟାଶନାଲ ହେରାଲ୍‌ଡ କେଶକୁ ପ୍ରତିବାଦ କରି ଜିଲ୍ଲା କଂଗ୍ରେସ ପକ୍ଷରୁ ମୁଖ୍ୟ ଡାକଘର ସାମ୍ନାରେ ବିକ୍ଷୋଭ ପ୍ରଦର୍ଶନ କରାଯାଇଛି । ରାହୁଲ ଗାନ୍ଧୀଙ୍କ ଉପରେ ଇଡିର ଏହା ମିଥ୍ୟା ଅଭିଯୋଗ ବୋଲି କଂଗ୍ରେସ ଅଭିଯୋଗ ଆଣିଛି । ଏହାସହ ଅଖିଳ ଭାରତ କଂଗ୍ରେସ କମିଟି ମୁଖ୍ୟ କାର୍ଯ୍ୟାଳୟ ଦିଲ୍ଲୀରେ ପୋଲିସର ଜବରଦସ୍ତ ପ୍ରବେଶ ଓ କଂଗ୍ରେସ କାର୍ଯ୍ୟାଳୟ ଭିତରେ ପଶି ପୋଲିସ ଭଙ୍ଗାରୁଜାକୁ ବିରୋଧ କରିଛି ଜିଲ୍ଲା କଂଗ୍ରେସ । ଏହାକୁ ନେଇ ଗାନ୍ଧୀ ସ୍ମୃତି ଭବନ ଠାରୁ ଏକ ଶୋଭାଯାତ୍ରାରେ ସମସ୍ତ କଂଗ୍ରେସ କର୍ମୀ ଓ ନେତାମାନେ କେନ୍ଦ୍ର ସରକାର ବିରୋଧୀ ନାରା ଦେଇ ଡାକଘର ନିକଟରେ ପହଞ୍ଚିଥିଲେ ।