Babushan Marital Discord: ବାବୁସାନ୍‌ଙ୍କୁ ନେଇ ଏମିତି କହିଲେ ଦମନ୍‌ ଫିଲ୍ମ ପ୍ରଯୋଜକ

ଭୁବନେଶ୍ବର: "ଦମନ" ଚଳଚ୍ଚିତ୍ରର ପ୍ରମୋସନ ପାଇଁ ଚେନ୍ନାଇ ଯାଇଥିଲେ ବାବୁସାନ ଓ ତାଙ୍କ ଦମନ୍‌ ଚଳଚ୍ଚିତ୍ର ଟିମ୍‌ । ତେବେ ସେଠାରେ ଫିଲ୍ମ ପ୍ରମୋସନ କରିନଥିଲେ ବାବୁସାନ । ଏକ ଓଡ଼ିଆ ସମାଜର ଏକ କାର୍ଯ୍ୟକ୍ରମରେ ଯୋଗ ଦେଇ ଫିଲ୍ମ ପ୍ରମୋସନ ଯୋଜନା ହୋଇଥିଲା । ତେବେ ଏହାପୂର୍ବରୁ ବାବୁସାନଙ୍କ ଓ ପ୍ରକୃତିଙ୍କ ଭିଡିଓ ଭାଇରାଲ ହୋଇଥିବାରୁ ଦମନ୍‌ ପ୍ରଯୋଜକ ଦୀପେନ୍ଦ୍ର ସାମଲ ତାଙ୍କୁ ଓଡ଼ିଆ ସମାଜର କାର୍ଯ୍ୟକ୍ରମରେ ଯୋଗ ଦେବାକୁ ମନା କରିଥିଲେ । ତେବେ କୌଣସି ବ୍ୟକ୍ତିଗତ କାରଣରୁ ସେ ଓଡ଼ିଶା ଫେରି ନାହାନ୍ତି ବୋଲି କହିଛନ୍ତି ଦୀପେନ୍ଦ୍ର ସାମଲ । ଖୁବଶୀଘ୍ର ସେ ଓଡ଼ିଶା ଫେରିବେ ବୋଲି କହିଛନ୍ତି ।