କର୍ଣ୍ଣାଟକରେ ଭୂସ୍ଖଳନ: ଧସିଲା ପାହାଡ, ଆଖି ବୁଜିଲେ ୩ ଶ୍ରମିକ

ବେଙ୍ଗାଲୁରୁ : କର୍ଣ୍ଣାଟକର ବଣ୍ଟଓ୍ବାଲା (Bantwala)ରେ ଭୂସ୍ଖଳନ । ଏଥିରେ ତିନି ଜଣ ଶ୍ରମିକଙ୍କର ମୃତ୍ୟୁ ହୋଇଛି । ସମସ୍ତ ମୃତକଙ୍କ ଘର କେରଳରେ ବୋଲି ଜଣାପଡିଛି । ତେବେ, ସୂଚନା ଅନୁସାରେ,ଲଗାତର ବର୍ଷା ହେବା କାରଣରୁ ବୁଧବାର ରାତିରେ ପାହାଡ ଧସି ଯାଇଥିଲା । ପାହାଡ ନିକଟରେ ଏକ ଅସ୍ଥାୟୀ ଘର କରି ରହୁଥିବା ଶ୍ରମିକଙ୍କ ଘର ଉପରେ ପାହାଡ ଧସି ପଡିଥିଲା । ଫଳରେ ଘଟଣାସ୍ଥଳରେ ତିନି ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି । ଗୁରୁତରଙ୍କୁ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି।