ବଡଦାଣ୍ଡରେ ପହଞ୍ଚିଲେ ରାଷ୍ଟ୍ରପତି, ସିଂହଦ୍ବାରରେ ସ୍ବାଗତ କଲେ ଗଜପତି ମହାରାଜ

ପୁରୀ: କାରକେଡ ସୁରକ୍ଷା ବ୍ୟବସ୍ଥା ସହ ଶ୍ରୀମନ୍ଦିରରେ ସପରିବାର ପହଞ୍ଚିଲେ ରାଷ୍ଟ୍ରପତି । ସାଙ୍ଗରେ ରାଜ୍ୟପାଳ ପ୍ରଫେସର ଗଣେଶୀ ଲାଲ୍ ଓ ଧର୍ମେନ୍ଦ୍ର ପ୍ରଧାନ ମଧ୍ୟ ଉପସ୍ଥିତ ଅଛନ୍ତି । ଜଗା ଦର୍ଶନ ପାଇଁ ରାଷ୍ଟ୍ରପତିଙ୍କୁ ସିଂହଦ୍ବାରରେ ସ୍ବାଗତ ଜଣାଇଲେ ଗଜପତି ମହାରାଜ ଦିବ୍ୟସିଂହ ଦେବ । ଶ୍ରୀମନ୍ଦିରରେ ପ୍ରାୟ 40 ମିନିଟ ସମୟ ବିତାଇଲେ ରାଷ୍ଟ୍ରପତି । ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ସହ ସିଂହଦ୍ବାର ଦେଇ ମନ୍ଦିର ଭିତରେ ପ୍ରବେଶ କଲେ ରାଷ୍ଟ୍ରପତି । ପ୍ରବେଶ ପୂର୍ବରୁ ଅସ୍ଥାୟୀ ଭାବେ ନିର୍ମାଣ କରାଯାଇଥିବା ଟେଣ୍ଟରେ ହାତଗୋଡ ଧୋଇଥିଲେ । ଏହାପରେ ବାହାରକୁ ଆସି ଓଡିଶା ଜନତାଙ୍କୁ ହାତ ଯୋଡି ଅଭିବାଦନ ଜଣାଇବା ସହ ମନ୍ଦିର ଆଡକୁ ଅଗ୍ରସର ହୋଇଥିଲେ କୋବିନ୍ଦ ।  ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ