ଗନ୍ଧମାର୍ଦ୍ଦନ ଜଙ୍ଗଲରେ ପୋଲିସ-ମାଓ ମୁହାଁମୁହିଁ, ବିପୁଳ ପରିମାଣର ମାଓ ସାମଗ୍ରୀ ଜବତ

ବରଗଡ: ଜିଲ୍ଲାର ପାଇକମାଳ ଥାନା ଅନ୍ତର୍ଗତ ଗନ୍ଧମାର୍ଦ୍ଦନ ରିଜର୍ଭ ଫରେଷ୍ଟରେ ମାଓବାଦୀ ଓ ଏସଓଜି ଯବାନଙ୍କ ମଧ୍ୟରେ ପ୍ରାୟ 30 ମିନିଟ ଧରି ଚାଲିଥିଲା ଗୁଳିବିନିମୟ । ଏଥିରେ କେହି ମୃତାହତ ହୋଇନଥିବା ବେଳେ ପୋଲିସ 4ଟି ମାଓ କ୍ୟାମ୍ପ ଠାବ କରିଛି । ଏଥିସହ ବହୁ ପରିମାଣର ଖୋକା ଓ ଅଫୁଟା ଗୁଳି ସହ ମାଓ ସାମଗ୍ରୀ ଜବତ କରାଯାଇଛି । ସୂଚନାନୁସାରେ, ବରଗଡ ଜିଲ୍ଲା ଗନ୍ଧମାର୍ଦ୍ଦନ ପାହାଡର ଘଞ୍ଚ ଅରଣ୍ୟ ଭିତରେ 10ରୁ 15 ଜଣ ମାଓବାଦୀ ତାଙ୍କର କ୍ୟାମ୍ପରେ ରହିଥିବାର ଖବର ପାଇ ଡିଭିଏଫ୍ ଟିମ ଚଢାଉ କରିଥିଲା । ଏହା ପରେ ଆରମ୍ଭ ହୋଇଥିଲା ସର୍ଚ୍ଚ ଅପରେସନ । ତେବେ ପୋଲିସ ମାଓବାଦୀମାନଙ୍କୁ ଠାବ କରିବା ପରେ ସେମାନଙ୍କୁ ଆତ୍ମସମର୍ପଣ କରିବାକୁ କୁହିଥିଲେ । ହେଲେ ମାଓବାଦୀମାନେ ପାଲଟା ଗୁଳି ଚାଳନା କରିଥିଲେ । ଜବାବରେ ପୋଲିସକୁ ମଧ୍ୟ ଗୁଳି ଚାଳନା କରିବାକୁ ପଡିଥିଲା ।