କେନ୍ଦୁଝରବାସୀ ଗାଇଲେ ‘ବନ୍ଦେ ଉତ୍କଳ ଜନନୀ’

କେନ୍ଦୁଝର: ଶନିବାର ମୁଖ୍ୟମନ୍ତ୍ରୀଙ୍କ ଆହ୍ୱାନ କ୍ରମେ କୋରୋନା ଯୋଦ୍ଧାଙ୍କୁ ଉତ୍ସାହିତ କରିବାକୁ ଏବଂ ସମ୍ମାନିତ ଜଣାଇ ସାରା ରାଜ୍ୟବାସୀ ‘ବନ୍ଦେ ଉତ୍କଳ ଜନନୀ’ ଗାଇଛନ୍ତି । କେନ୍ଦୁଝରବାସୀ ମଧ୍ୟ ଏହି ଆହ୍ୱାନରେ ସାମିଲ ହୋଇଥିଲେ । ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ସମାଜର ବିଭିନ୍ନ ବର୍ଗର ଲୋକ ଏକାଠି ହୋଇ ରାଜ୍ୟ ସଙ୍ଗୀତ ଗାନ କଲେ । ପଦ୍ମଶ୍ରୀ ଦୈତାରି ନାଏକଙ୍କ ସହ ଜିଲ୍ଲା ପ୍ରଶାସନର ବିଭିନ୍ନ ଅଧିକାରୀ ସାମିଲ ହୋଇ ସାମୁହିକ ସଙ୍ଗୀତ ଗାନ କରିଥିଲେ । ପାଞ୍ଚ ହଜାରରୁ ଉର୍ଦ୍ଧ୍ବ ଲୋକ ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ ।