ଦେବୀଙ୍କ ପୀଠରେ ମହାନବମୀ ପୂଜା, ଶ୍ରୀକ୍ଷେତ୍ର ଚଳଚଞ୍ଚଳ

ପୁରୀ: ଶ୍ରୀକ୍ଷେତ୍ରର ଅଧିଷ୍ଠାତ୍ରୀ ଦେବୀ ମା' ବିମଳାଙ୍କ ସହ ଅଷ୍ଟଶକ୍ତି ପୀଠ ଓ ସମସ୍ତ ଗୋଷାଣୀଙ୍କ ପବିତ୍ର ମହାନବମୀ । ମଙ୍ଗଳବାର ରାତିରେ ମା' ବିମଳାଙ୍କ ସନ୍ଧି ପୂଜା ସହ ଛାଗବଳି ଭଳି ଗୁପ୍ତ ରୀତିନୀତି ଅନୁଷ୍ଠିତ ହୋଇଥିଲା। ସେହିପରି ବିଭିନ୍ନ ଦେବୀପୀଠ ଓ ଗୋଷାଣୀଙ୍କ ନିକଟରେ କାକୁଡି, ପାଣିକଖାରୁ ଓ ପୋଡାମାଛ ବଳି ଦିଆଯାଇଥିଲା । ସେହିପରି ବାଲି ସାହିର ମା ଜହ୍ନିଖାଇଙ୍କର ଆଜି ମହାନବମୀ ପୂଜା ନିରାଡମ୍ବର ଭାବେ ପାଳନ କରାଯାଉଛି । ମଧ୍ୟରାତ୍ରରେ ମୁଖ୍ୟତଃ ସନ୍ଧି ପୂଜା ଅନୁଷ୍ଠିତ ହୋଇଥାଏ। ତେବେ କୋଭିଡ ନିୟମ ହେତୁ ଭକ୍ତଙ୍କୁ ଦର୍ଶନ ନେଇ ମଣ୍ଡପରେ ଅନୁମତି ଦିଆଯାଇ ନାହିଁ । ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ