ଭଦ୍ରକରେ ଲକ ଡାଉନ କଡାକଡି

ଭଦ୍ରକ:କୋରୋନାକୁ ମୁକାବିଲା କରିବା ପାଇଁ ପୌରାଞ୍ଚଳ ପକ୍ଷରୁ ଲକ ଡାଉନ ଘୋଷଣା । ଲକ ଡାଉନ ପରେ ସହରର ବିଭିନ୍ନ ସ୍ଥାନରେ ପୋଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି । ଏହା ସହ ବିଭିନ୍ନ ଛକରେ ତନଖି କରୁଛି ପୋଲିସ । ଜରୁରୀ ନଥିଲେ ଲୋକମାନଙ୍କୁ ସହର ମଧ୍ୟରେ ପ୍ରବେଶ କରାଇବାକୁ ଦିଆଯାଉନାହିଁ । ଚାରି ଚକିଆ ଯାନକୁ ମଧ୍ୟ ପୁଲିସ ପକ୍ଷରୁ ଯାଞ୍ଚ କରାଯାଉଛି । ସହର ମଧ୍ୟରେ ଔଷଧ ଓ ଅତ୍ୟାବଶ୍ୟକ ସାମଗ୍ରୀ ଦୋକାନକୁ ଛାଡିଦେଲେ ଅନ୍ୟ ସବୁ ଦୋକାନ ବଜାର ବନ୍ଦ ରହିଛି । ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ