ଜନତା କର୍ଫ୍ୟୁ: ଝାରସୁଗୁଡ଼ାରେ ନିରବତାର ରାଜ୍‌

ଝାରସୁଗୁଡା: ଦେଶବ୍ୟାପୀ ଆରମ୍ଭ ହୋଇଯାଇଛି ଜନତା କର୍ଫ୍ୟୁ । କୋରୋନା ମୁକାବିଲା ପାଇଁ ପ୍ରଧାନମନ୍ତ୍ରୀଙ୍କ ଜନତା କର୍ଫ୍ୟୁକୁ ସମର୍ଥନ ଜଣାଇଛନ୍ତି ଝାରସୁଗୁଡାବାସୀ । ଅତ୍ୟାବଶ୍ୟକ ସାମଗ୍ରୀ ବିକ୍ରି କରୁଥିବା ଦୋକାନଗୁଡିକୁ ଛାଡି ଦେଲେ ବାକି ସବୁ ଏଠି ବନ୍ଦ ରହିଛି । ଗାଡି ଚଳାଚଳ ମଧ୍ୟ ବନ୍ଦ । ଫଳରେ ଝାରସୁଗୁଡା ଏକ ପ୍ରକାର ଖାଁ ଖାଁ ଲାଗୁଛି । ରାସ୍ତାଘାଟ, ଦୋକାନବଜାର, ବସ୍‌ଷ୍ଟାଣ୍ଡ ଓ ରେଳ ଷ୍ଟେସନ ଗୁଡ଼ିକରେ ଅସମ୍ଭବ ପ୍ରକାରର ନିରବତା ଦେଖିବାକୁ ମିଳିଛି। କାଁ ଭାଁ ଲୋକେ ଯା’ଆସ କରୁଛନ୍ତି। ଝାରସୁଗୁଡାରୁ ରବି ନାରାୟଣ ସାହୁ, ଇଟିଭି ଭାରତ