ଅସମ୍ଭାଳ ୟସ, ପବନ ପ୍ରହାରରେ ଚୂନା ଘର ଓ ସ୍କୁଲ

କେନ୍ଦ୍ରାପଡ଼ା: ଆଖି ଦେଖାଇଲାଣି ୟସ। ଆରମ୍ଭ ହେଲା ପ୍ରଳୟର ତାଣ୍ଡବ । ବାତ୍ୟା ୟସ ବୁଧବାର ସ୍ଥଳଭାଗ ଛୁଇଁବାକୁ ଥିବାବେଳେ ଆଜି ଏହାର ପ୍ରଭାବରେ ସମୁଦ୍ର ଉପକୂଳ ସ୍ଥିତ ରାଜନଗର ବ୍ଲକ ବଡ଼ଆଡିଆ ଗାଁରେ ଦେଖିବାକୁ ମିଳିଛି । ତୀବ୍ର ପବନ ଯୋଗୁଁ ବଡ଼ବଡ଼ ଗଛ ଭାଙ୍ଗି ବାସଗୃହ ସ୍କୁଲ ଘର ଭାଙ୍ଗି ଚୂନା । ରବିବାର ଠାରୁ ଲଗାଣ ବର୍ଷା ଯୋଗୁଁ ଜଳସ୍ତର ବୃଦ୍ଧି ପାଇଥିବା ବେଳେ ଆସନ୍ତାକାଲି ପୂର୍ଣ୍ଣିମା ଓ ଚନ୍ଦ୍ରଗ୍ରହଣ ଥିବାରୁ ୟସ କୋପରେ ବ୍ୟାପକ ପ୍ରଭାବି ଆଶଙ୍କା ସୃଷ୍ଟି ହୋଇଛି। ବଡ଼ଆଡ଼ିଆ ଗାଁରେ ନଡ଼ିଆ ଓ ବଡ଼ବଡ଼ ଗଛ ଉପୁଡିବା ଯୋଗୁଁ ୫ ପରିବାରର ସମସ୍ତ ଆସବାବପତ୍ର ନଷ୍ଟ ହୋଇଛି। ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଲୋକମାନଙ୍କ ସହାୟତାରେ ଗଛଗୁଡିକୁ କାଟି ସମ୍ବଳ ବଞ୍ଚାଇବା ସହ ଧନଜୀବନ ବଞ୍ଚାଇବାରେ ସହଯୋଗ କରୁଛି। କେନ୍ଦ୍ରାପଡ଼ାରୁ ରାଧାକାନ୍ତ ମହାନ୍ତି,ଇଟିଭି ଭାରତ