ଅଲମ୍ପିକ୍ସରେ ବ୍ରୋଞ୍ଜ ଜିତିଲା ପୁରୁଷ ହକି ଦଳ, ଏମିତି ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ

ଭୁବନେଶ୍ବର: ଦୀର୍ଘ ୪୧ ବର୍ଷ ପରେ ଅଲମ୍ବିକ୍ସରେ ପଦକ ଜିତିଛି ଭାରତୀୟ ପୁରୁଷ ହକି ଦଳ । ସାରା ଦେଶରେ ସୃଷ୍ଟି ହୋଇଛି ଉତ୍ସବର ମାହୋଲ । ପ୍ରତ୍ୟେକ କ୍ଷେତ୍ରରୁ ଖେଳାଳିଙ୍କ ପ୍ରତି ଛୁଟିବାରେ ଲାଗିଛି ଶୁଭେଚ୍ଛାର ସୁଅ । ହକିର ବଡ ପ୍ରଶଂସକ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ବ୍ରୋଞ୍ଜ ଜିତିବା ପରେ ପୁରୁଷ ହକି ଦଳକୁ ଜଣାଇଛନ୍ତି ଶୁଭେଚ୍ଛା । ଏହି ପଦକ ଅନେକ ଖେଳାଳିଙ୍କୁ ଉତ୍ସାହିତ କରିବ ବୋଲି ସେ କହିଛନ୍ତି । ବହୁ ବର୍ଷ ପରେ ପୁରୁଷ ହକି ଦଳକୁ ଅଲମ୍ପିକ୍ସ ପଦକ ମିଳିବା ପରେ ସେ ନିଜର ଖୁସିବ୍ୟକ୍ତ କରିଛନ୍ତି । ଏହାସହିତ ଆଗାମୀ ଭବିଷ୍ୟତ ପାଇଁ ମଧ୍ୟ ଖେଳାଳିଙ୍କୁ ଶୁଭେଚ୍ଛା ଜଣାଇବା ସହ ଆସନ୍ତା ୧୬ ତାରିଖରେ ଓଡିଶା ଆସିବାକୁ ଦେଇଛନ୍ତି ନିମନ୍ତ୍ରଣ । ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ