ସୋନୁଙ୍କୁ କୋରୋନା, ସ୍ୟାଣ୍ଡ ଆନିମେଶନରେ Get well soon କହିଲେ ସତ୍ୟ

ବ୍ରହ୍ମପୁର: କୋରୋନା କବଳରେ ଗରିବଙ୍କ ମଶିହା ସୋନୁ ସୁଦ । ସାରା ଭାରତରେ କାୟା ବିସ୍ତାର କରିବାରେ ଲାଗିଛି କୋରୋନାର ଦ୍ଵିତୀୟ ଲହର । ମହାମାରୀ ଯନ୍ତ୍ରଣା ଯେତେବେଳେ ଦେଶ ଜୁଝି ହେଉଥିଲା, ସେତେବେଳେ ଗରିବ ଅସହାୟଙ୍କ ମଶିହା ସାଜି ଆଗକୁ ଆସିଥିବା ବଲିଉଡ ଅଭିନେତା ସୋନୁ ସୁଦ କୋରୋନା ପଜେଟିଭ ଚିହ୍ନଟ ହୋଇଛନ୍ତି । ଏହି ଖବର ପଦାକୁ ଆସିବା ପରେ ବ୍ରହ୍ମପୁରର ବାଲୁକା ଶିଳ୍ପୀ ସତ୍ୟନାରାୟଣ ମହାରଣା ନିଜେ ସ୍ୟାଣ୍ଡ ଆନିମେଶନ ମାଧ୍ୟମରେ ସୋନୁଙ୍କ ପ୍ରତିଛବି ଆଙ୍କି ତାଙ୍କ ଆଶୁ ଆରୋଗ୍ୟ କାମନା କରିଛନ୍ତି । ଏଭଳି ଜଣେ ମହାନ ସମାଜସେବୀ କୋରୋନାରେ ଆକ୍ରାନ୍ତ ହୋଇଥିବା ଯୋଗୁଁ ସେ ଦୁଃଖପ୍ରକାଶ କରିବା ସହ ତାଙ୍କ ଆଶୁ ଆରୋଗ୍ୟ କାମନା କରି ସ୍ୟାଣ୍ଡ ଆର୍ଟ ମାଧ୍ୟମରେ ସଚେତନତା ବାର୍ତ୍ତା ଦେଇଛନ୍ତି ସତ୍ୟ। ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ