ସେନାପତି ବାବୁଙ୍କ ସାଙ୍ଘାତିକ କଳା, ସାଙ୍ଗରେ ରଖି ଆହତ ସାପର କରନ୍ତି ଚିକିତ୍ସା

ରାୟଗଡା: ସାଙ୍ଘାତିକ କଳା। ବିଷଧର ସର୍ପଙ୍କୁ କାବୁ କରିବାରେ ସେ ଏକଦମ ମାହିର। ଦେଖୁଛନ୍ତି କିଭଳି ନିର୍ଭୟରେ ସେ ଧରିଛନ୍ତି ଏତେ ବଡ ସାପକୁ। ଦେଖଣହାରୀ ଭୟଭୀତ ହୋଇ କୋଷେ ଦୂରରେ ଛିଡା ହେଉଥିବା ବେଳେ ତାଙ୍କ ମନରେ ଟିକେ ଭୟ ନାହିଁ। ସତେ ଯେମିତି ପୋଖତ ସାପୁଆ କେଳା। ଆଉ ଗଦ ଶୁଙ୍ଘାଇ କରାୟତ କରୁଛନ୍ତି ଏହି ସମସ୍ତ ସର୍ପକୁ। ହେଲେ ଏହା ଆମର ଭ୍ରାନ୍ତ ଧାରଣା। ପେଶା ତାଙ୍କର ଅଟୋ ଚଳାଇବା ହେଲେ ନିଶା ତାଙ୍କର ସାପ ଧରା। ଅଟୋ ନଚଲେଇଲେ ଘରେ ଚୁଲି ଲାଗେନି । କିନ୍ତୁ ଘରର ଏଭଳି ସ୍ଥିତିରେ ଯଦି ଆଖପାଖ ଅଞ୍ଚଳରୁ ସାପଟିଏ ଥିବା ଖବର ମିଳେ ସେ ପେଟପାଟଣା ଭୁଲି ଦଉଡିଯାନ୍ତି ସାପ ଧରିବାକୁ।