Municipal Vice Chairman Election: କନ୍ଧମାଳରେ ବିଜେଡି ପ୍ରାର୍ଥିନୀ ବିଜୟୀ

ଫୁଲବାଣୀ: ଉପାଧ୍ୟକ୍ଷ ନିର୍ବାଚନରେ ପୌର ଉପାଧ୍ୟକ୍ଷ ଭାବେ ବିଜେଡିର ପାୟଲ ବେହେରା ନିର୍ବାଚିତ । କନ୍ଧମାଳ ଜିଲ୍ଲା ଫୁଲବାଣୀ ପୌର ଉପାଧ୍ୟକ୍ଷା ହେଲେ ପାୟଲ ବେହେରା । ବିଜୁ ଜନତା ଦଳରୁ ପ୍ରାର୍ଥିନୀ ହୋଇଥିବା ପାୟଲ ବେହେରା ନୋମିନେସନ କରିବା ପରେ ବିଜେପିର ରମେଶ ଚନ୍ଦ୍ର ମହାନ୍ତି ନୋମିନେସନ କରିଥିଲେ । ତେବେ ୧୩ଟି ଭୋଟ ଥିବାବେଳେ ସେଥିମଧ୍ୟରୁ ପାୟଲ ବେହେରା ୯ଟି ଭୋଟ ବିଜୟୀ ସହ ନିକଟତମ ପ୍ରତିଦ୍ଵନ୍ଦୀ ରମେଶ ଚନ୍ଦ୍ର ମହାନ୍ତିଙ୍କୁ ହରାଇଛନ୍ତି । ବିଜୟୀ ହେବା ପରେ ସେ ଦଳର ସୁପ୍ରିମୋ ନବୀନ ପଟ୍ଟନାୟକ, ମନ୍ତ୍ରୀ ତଥା ଜିଲ୍ଲା ପ୍ରଭାରୀ ପ୍ରତାପ ଜେନା, କନ୍ଧମାଳ ସାଂସଦ ଡଃ ଅଚ୍ୟୁତାନନ୍ଦ ସାମନ୍ତ ସଭାପତି ସରୋଜ କର୍ଣ୍ଣ ଓ ଅନ୍ୟମାନଙ୍କୁ କୃତଜ୍ଞତା ଜଣାଇବା ସହ ଫୁଲବାଣୀ ପୌର ପରିଷଦର ସର୍ବାଙ୍ଗୀନ ଉନ୍ନତି ପାଇଁ କାର୍ଯ୍ୟ କରିବେ ବୋଲି କହିଛନ୍ତି । କନ୍ଧମାଳରୁ ସଞ୍ଜୟ ପାତ୍ର, ଇଟିଭି ଭାରତ