ବରଗଡ଼ ଗସ୍ତରେ ପଶ୍ଚିମ ଓଡ଼ିଶା ବିକାଶ ପରିଷଦ ଅଧ୍ୟକ୍ଷ

ବରଗଡ: ବୁଧବାର ବରଗଡ ଗସ୍ତରେ ଆସି ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ସମୀକ୍ଷା କରିଥିଲେ ଓଡିଶା ବିକାଶ ପରିଷଦର ଅଧ୍ୟକ୍ଷ ତଥା ମୁଖ୍ୟମନ୍ତ୍ରୀଙ୍କ ମୁଖ୍ୟ ଉପଦେଷ୍ଟା ଅସିତ ତ୍ରିପାଠୀ । ପାଇକମାଳ ଓ ଝାରବନ୍ଧ ବ୍ଲକରେ ଉନ୍ନୟନ ମୂଳକ ପ୍ରକଳ୍ପ ଗୁଡିକ ବୁଲି ଦେଖିବା ସହ ପାଇକମାଲ ଉଚ୍ଚ ବିଦ୍ୟାଳୟର ହୀରକ ଜୟନ୍ତୀ ଉତ୍ସବରେ ଯୋଗ ଦେଇଥିଲେ । ଏଥି ସହ ମାଣ୍ଡୋସିଲିରେ ମୁଖ୍ୟମନ୍ତ୍ରୀ କୃଷି ଉଦ୍ୟୋଗ ଯୋଜନା ଅନ୍ତର୍ଗତ ଏକ ବିହନ ପ୍ରକ୍ରିୟା କରଣ କେନ୍ଦ୍ର, ପାରସଖଣ୍ଡି ଗାଁର ପୁଷ୍ପଳତା ସାହୁଙ୍କ ଛେଳି ପାଳନ କେନ୍ଦ୍ର ଓ ଚଣ୍ଡୀଭଟା ଗ୍ରାମରେ ଓରମାସ ତରଫରୁ କରାଯାଇଥିବା କଳାଧନ ଓ ମାଣ୍ଡିଆ ପ୍ରୋତ୍ସାହନ କେନ୍ଦ୍ରକୁ ପରିଦର୍ଶନ କରିଥିଲେ ଅସିତ ତ୍ରିପାଠୀ । ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷଙ୍କ ଏହି ଗସ୍ତ ସମୟରେ ଜିଲ୍ଲାପାଳ ମନୀଷା ବାନାର୍ଜୀଙ୍କ ସମେତ ବିଭିନ୍ନ ବିଭାଗର ଅଧିକାରୀ ମାନେ ଉପସ୍ଥିତ ଥିଲେ । ଇଟିଭି ଭାରତ, ବରଗଡ