ଲାଞ୍ଚ ନେଇ ଫସିଲେ ICDS ସୁପରଭାଇଜର,ଧରିଲା ଭିଜିଲାନ୍ସ

ନବରଙ୍ଗପୁର: ପୁଣି ଲାଞ୍ଚ କାରବାର । ଲାଞ୍ଚ ନେବାବେଳେ ଧରାପଡିଲେ ସୁପରଭାଇଜର । ଗତକାଲି(ଶୁକ୍ରବାର) ନବରଙ୍ଗପୁର ଜିଲ୍ଲା କୋଷାଗୁମୁଡ଼ା ବ୍ଳକ ସମନ୍ନିତ ଶିଶୁ ବିକାଶ ପ୍ରକଳ୍ପ ସୁପରଭାଇଜର ରାଜେଶ୍ୱରୀ ରାଜ କୁମାରୀ ନାଗ ପାଞ୍ଚ ହଜାର ଚାରି ଶହ ଟଙ୍କା ଲାଞ୍ଚ ନେଉଥିବା ଭିଜିଲାନ୍ସ ହାତରେ ଧରା ପଡିଛନ୍ତି । 

ସୂଚନା ଅନୁଯାୟୀ କୋଡିଙ୍ଗା ସେକ୍ଟରର କ୍ଷେତ୍ର ପରିଦର୍ଶିକା ରାଜେଶ୍ୱରୀ ରାଜ କୁମାରୀ ନାଗ ଖେଳଣା ବିଲ କରାଇଦେବା ପାଇଁ ବନ୍ଧୁଗୁଡା ଅଙ୍ଗନବାଡି କର୍ମୀ ଶୁଭସୀତା ପାତ୍ରଙ୍କୁ ଖେଳଣା, ପୋଷଣ ଓ ପୋଷାକର ତିନି ମାସର ବିଲ କରାଇଦେବା ପାଇଁ ଲାଞ୍ଚ ଟଙ୍କା ଦାବି କରିଥିଲେ । ଶୁଭସୀତା ଏନେଇ ନବରଙ୍ଗପୁର ଭିଜିଲାନ୍ସ ସହ ଯୋଗାଯୋଗ କରିଥିଲେ । ଗତକାଲି କୋଡିଙ୍ଗା ଠାରେ ସେକ୍ଟର ମିଟିଂରେ ଶୁଭସୀତାଙ୍କ ଠାରୁ ରାଜେଶ୍ୱରୀ ରାଜ କୁମାରୀ ନାଗ ଟଙ୍କା ନେଉଥିବା ବେଳେ ଭିଜିଲାନ୍ସ ଟିମ୍ ଟଙ୍କା ସହ ରାଜେଶ୍ୱରୀଙ୍କୁ ମାଡି ବସିଥିଲେ । ଅଧିକ ତଦନ୍ତ ପାଇଁ ରାଜେଶ୍ୱରୀଙ୍କୁ ଅଟକ ରଖାଯାଇଛି, ତେବେ ଏହି ଚଢାଉରେ ଜୟପୁର ଓ ନବରଙ୍ଗପୁରର ଆଠ ଜଣିଆ ଟିମ୍ ସାମିଲ ଥିଲେ । DSP ଜୟଶ୍ରୀ ପ୍ରଧାନଙ୍କ ନେତୃତ୍ଵରେ ଏହି ଚଢାଉ ହୋଇଥିଲା

ଏହା ମଧ୍ୟ ପଢ଼ନ୍ତୁ...7ହଜାର ଟଙ୍କା ଲାଞ୍ଚ ନେବା ପଡ଼ିଲା ମହଙ୍ଗା, ଭିଜିଲାନ୍ସ ଜାଲରେ ଏଷ୍ଟିମେଟର ରମାକାନ୍ତ ମଲ୍ଲିକ

ଇଟିଭି ଭାରତ, ନବରଙ୍ଗପୁର