Manipur violence: ଦଙ୍ଗାରେ ଜଳୁଛି ମଣିପୁର, ଖୋଲା ଆକାଶ ତଳେ ହିଂସା ପ୍ରଭାବିତ

ଇମ୍ଫାଲ: ସାମ୍ପ୍ରଦାୟିକ ହିଂସାରେ ଜଳୁଛି ମଣିପୁର । ରାଜ୍ୟର ବିିଭିନ୍ନ ସ୍ଥାନରେ ଆକ୍ରମଣ, ଜଳାପୋଡାର ଘଟଣା ଦେଖିବାକୁ ମିଳୁଛି । ହିଂସା ଅଣାୟତ ହେବା ପରେ ଦଙ୍ଗାକାରୀଙ୍କୁ ଦେଖିବା ମାତ୍ରେ ସେନାକୁ ଗୁଳି ଚଳାଇବାକୁ ରାଜଭବନ ପକ୍ଷରୁ ନିର୍ଦ୍ଦେଶ ମିଳିଛି । ରାଜ୍ୟରେ ସେନା, ପାରାମିଲିଟାରୀ ଫୋର୍ସ, ରାପିଡ ଆକ୍ସନ ଫୋର୍ସ ମୁତୟନ ରହିଛନ୍ତି । ଆକ୍ରମଣରେ ବ୍ୟାପକ ଘର ଓ ଗାଡ଼ି ଭାଙ୍ଗାରୁଜା, ଜଳାପୋଡା ହୋଇଛି । ହିଂସା ପୀଡିତମାନେ ରାସ୍ତା ଉପରେ ଓ ଖୋଲା ଆକାଶ ତଳେ ଆଶ୍ରୟ ନେଇଛନ୍ତି । ଆଜି ସଂଧ୍ୟାରେ କେନ୍ଦ୍ରୀୟ ଫୋର୍ସଙ୍କୁ ଇମ୍ଫାଲକୁ ଏୟାର ଲିଫ୍ଟ କରାଯାଇଛି । ସୋସିଆଲ ମିଡିଆରେ ବିଭିନ୍ନ ସ୍ଥାନର ହିଂସାର ଦୃଶ୍ୟ ଘୁରି ବୁଲୁଛି । ସମଗ୍ର ରାଜ୍ୟରେ ଇଣ୍ଟରନେଟ ସେବା ବନ୍ଦ ରହିଛି । ଗତକାଲି ନିର୍ଦ୍ଦିଷ୍ଟ ଜନଜାତି ସମ୍ପ୍ରଦାୟ ପକ୍ଷରୁ ବାହାରିଥିବା ପ୍ରତିବାଦ ଶୋଭାଯାତ୍ରାରୁ ପ୍ରଥମେ ହିଂସା ସୃଷ୍ଟି ହୋଇଥିଲା । ଦେଖନ୍ତୁ କିପରି ରହିଛି ମଣିପୁରରେ ସ୍ଥିତି ।