ଜଙ୍ଗଲରୁ ଦୁଇ ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ

Dead bodies found in forest: ରାଉରକେଲା: ସୁନ୍ଦରଗଡ଼ ଜିଲ୍ଲା ମନୋମୁଣ୍ଡା ଜଙ୍ଗଲରୁ ଦୁଇ ଯୁବକଙ୍କ ମୃତଦେହ ଉଦ୍ଧାର । ସନ୍ଦେହଜନକ ଅବସ୍ଥାରେ ମୃତଦେହ ଉଦ୍ଧାର ହୋଇଛି । ହତ୍ୟା ସନ୍ଦେହ ନେଇ ପୋଲିସ ତଦନ୍ତ ଆରମ୍ଭ କରିଛି । ଧରୁଆଡିହି ଥାନା ଅନ୍ତର୍ଗତ ମନମୁଣ୍ଡା ଜଙ୍ଗଲରୁ ଦୁଇ ଯୁବକଙ୍କ ସନ୍ଦେହଜନକ ଅବସ୍ଥାରେ ମୃତଦେହ ଉଦ୍ଧାର ହୋଇଛି । ତେବେ ମୃତଦେହ ଦୁଇଟି ନିକଟରେ ଥିବା ବିଜୁଳିଖମଣ ଗାଁର ଅଜୁ ମାଝୀ ଏବଂ ସଚିନ୍ଦ୍ର କିଷାନଙ୍କ ବୋଲି ପରିଚୟ ମିଳିଛି । ଦୁଇ ମୃତଦେହ ଜଙ୍ଗଲର ଏକ ପୋଲ ତଳେ ପଡ଼ିଥିବାର ଦେଖିବାକୁ ମିଳିଥିଲା । ଏହି ରହସ୍ୟଜନକ ମୃତ୍ୟୁକୁ ନେଇ ସନ୍ଦେହ ସୃଷ୍ଟି ହୋଇଥିବା ବେଳେ ଏହା ଏକ ଦୁର୍ଘଟଣା ନା ହତ୍ୟାକାଣ୍ଡ, ସେନେଇ ପୋଲିସ ଖୋଳତାଡ଼ ଆରମ୍ଭ କରିଛି । 

ଏହା ମଧ୍ୟ ପଢ଼ନ୍ତୁ... ଜନ୍ମଦାତ୍ରୀ ହିଁ ହତ୍ୟାକାରୀ, ଯାଆଁଳା ଛୁଆଙ୍କ ଜୀବନ ନେଇଥିଲା ପିଶାଚୀ ମା’

ତେବେ ମୃତ ଯୁବକଙ୍କୁ ଶେଷ ଥର ପାଇଁ ଲୋକେ ଘର ନିକଟରେ ଦେଖିଥିଲେ ବୋଲି ଖବର ରହିଛି । ଲୋକେ ରାସ୍ତାରେ ଯାଉଥିବା ବେଳେ ମୃତଦେହ ଦେଖିବାକୁ ମିଳିଥିଲା । ପରେ ପୋଲିସକୁ ଖବର ଦେବାରୁ ପୋଲିସ ଆସି ତଦନ୍ତ ଆରମ୍ଭ କରିଛି । ପୋଲିସର ଉଦ୍ୟମ ଜାରି ରହିଥିବା ବେଳେ ଏହି ହୃଦୟ ବିଦାରକ ଘଟଣା ପରେ ନ୍ୟାୟ ଆଶାରେ ମୃତକଙ୍କ ପରିବାର ଅପେକ୍ଷା କରିଛନ୍ତି ।  

ଇଟିଭି ଭାରତ, ରାଉରକେଲା