ଭାରସାମ୍ୟ ହରାଇଲା ଟୁରିଷ୍ଟ ବସ ,୨୫ ଆହତ ୨ ଗୁରୁତର

Kandhamal bus Accident: ଫୁଲବାଣୀ: କନ୍ଧମାଳରେ ଟୁରିଷ୍ଟ ବସ ଦୁର୍ଘଟଣା ଗ୍ରସ୍ତ । ଶୀତ ଦିନେ କନ୍ଧମାଳକୁ ବୁଲି ଆସନ୍ତି ହଜାର ହଜାର ପର୍ଯ୍ୟଟକଶ । ଓଡ଼ିଶାର କାଶ୍ମୀର ଭାବେ ପରିଚିତ ଦାରିଙ୍ଗବାଡିକୁ ବୁଲିବା ପାଇଁ କଲିକତାର ଟାଇକୁଣ୍ଡ ଆସୋ ସିଏସନର ପ୍ରାୟ 80 ଜଣ ଛାତ୍ର ଛାତ୍ରୀ ଦୁଇଟି ବସରେ ଦାରିଙ୍ଗବାଡି ବୁଲି ଆସିଥିଲେ । ଆଜି ଗୋପାଳପୁର ଯିବା ପାଇଁ ବ୍ରାହାଣିଗାଁ ହୋଇ ଯାଉଥିଲା । କିନ୍ତୁ ବୁଲାଣି ଦେଇ ଯାଉଥିବା ବେଳେ ଦାରିଙ୍ଗବାଡି ବ୍ଲକ ବ୍ରାହ୍ମୀନୀଗାଁ ଥାନା ଅନ୍ତର୍ଗତ ମାହାଗୁଡ଼ି ଗ୍ରାମ ନିକଟ ଏକ ବୁଲାଣିରେ ଟୁରିଷ୍ଠ ବସଟି ଭାରସାମ୍ୟ ହରାଇ ରାସ୍ତା ତଳକୁ ଖସି ଦୁର୍ଘଟଣା ଘଟିଥିଲା । ଫଳରେ ବସରେ ଥିବା 25ଜଣ ଆହତ ହୋଇଥିଲେ । ସେମାନଙ୍କ ମଧ୍ୟରୁ ଗୁରୁତର ଥିବା 3 ଜଣଙ୍କୁ ବ୍ରହ୍ମମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଥିବା ବ୍ରାହ୍ମୀନୀଗାଁ ଥାନା ଅଧିକାରୀ ଚାପଧାରୀ ପ୍ରଧାନ ସୂଚନା ଦେଇଛନ୍ତି । ସମସ୍ତ ଆହତମାନଙ୍କୁ ପ୍ରାଥମିକ ଚିକିତ୍ସା ପାଇଁ ପ୍ରଥମେ ବ୍ରହଣୀଗାଁ ସ୍ୱାସ୍ଥ୍ୟ କେନ୍ଦ୍ରକୁ ଆଣି ଚିକିଛା କରାଯାଇଛି ।

ଅନ୍ୟପଟେ ଗୁରୁତର ୩ ଜଣଙ୍କୁ ବ୍ରହ୍ମପୁର ବଡ଼ ଡାକ୍ତର ଖାନାକୁ ପଠାଇ ଦିଆଯାଇଛି । ବୁଲାଣି ରାସ୍ତାରେ ବାରମ୍ବାର ଦୁର୍ଘଟଣା ହେଉଥିବା ନେଇ ସ୍ଥାନୀୟ ବାସିନ୍ଦା ପ୍ରଶାସନ ନିକଟରେ ଅଭିଯୋଗ କରିଛନ୍ତି । ଆଗାମୀ ଦିନରେ କିଭଳି ଦୁର୍ଘଟଣା ନ ଘଟେ ସେ ନେଇ ସଜାଗ ରହିବା ପାଇଁ ଜିଲ୍ଲାପ୍ରଶାସନ ପ୍ରସ୍ତୁତ ରହିଛି  । ଦୁର୍ଘଟଣା ସ୍ଥାନରେ ଟ୍ରାଫିକ ନିୟନ୍ତ୍ରଣ ପାଇଁ ହୋଡିଙ୍ଗ କରିବା ପାଇଁ ଅଞ୍ଚଳବାସୀ ଦାବି କରିଛନ୍ତି ।

ଏହା ମଧ୍ୟ ପଢନ୍ତୁ .....ସଡକ ଦୁର୍ଘଟଣାରେ ଗୋଟିଏ ପରିବାରର 5 ମୃତ, ଏକାଧିକ ଆହତ

ଇଟିଭି ଭାରତ, କନ୍ଧମାଳ