ରାସ୍ତା ଉପରେ ଜଳିଗଲା ଟାଟା ଏସି ଗାଡି, ଅଳ୍ପକେ ବର୍ତ୍ତିଲେ ଚାଳକ

 Tata Ace caught fire on the road ଢେଙ୍କାନାଳ:: କୁକୁଡ଼ା ବୋଝାଇ ଗାଡ଼ିରେ ଅଗ୍ନିକାଣ୍ଡ । ରାସ୍ତା ଉପରେ ହୁତୁ ହୁତୁ ହୋଇ ଜଳିଗଲା  ଟାଟା ଏସି ଗାଡି । ଅଳ୍ପକେ ବର୍ତ୍ତିଗଲେ ଚାଳକ । ସଟସର୍କିଟରୁ ଗାଡ଼ିରେ ନିଆ ଲାଗିଥିବା ନେଇ ସନ୍ଦେହ କରାଯାଉଛି  ।  

ସୂଚନା ମୁତାବକ, ଗତକାଲି ବିଳମ୍ବିତ ରାତିରେ କାମାକ୍ଷାନଗରରୁ  ଏକ ଟାଟା ଏସି ଗାଡ଼ି ଢେଙ୍କାନାଳ ଅଭିମୁଖେ ଯାଉଥିଲା । ଯିବା ବେଳେ ପଣ୍ଡୁଆ ଛକ ନିକଟରେ ଗାଡିର ଇଞ୍ଜିନିରୁ ହଠାତ ନିଆଁ ବାହାରି ଥିଲା । ଦେଖୁ ଦେଖୁ ଗାଡିଟି ହୁତୁହୁତୁ ହୋଇ ଜଳିବାରେ ଲାଗିଥିଲା । ଗାଡ଼ି ଚାଳକ ଜଣକ ନିଜର ଉପସ୍ଥିତି ବୁଦ୍ଧି ଖଟାଇ ନିଜେ ସୁରକ୍ଷିତ ବାହାଯିବା ସହ କୁକୁଡା ଗୁଡିକୁ ମଧ୍ୟ ଗାଡ଼ିରୁ ବାହାର କରିଦେଇଥିଲେ । ଫଳରେ ସମସ୍ତେ ସୁରକ୍ଷିତ ଅଛନ୍ତି । ସେପଟେ ଖବର ପାଇ ଘଟଣାସ୍ଥଳରେ କାମାକ୍ଷାନଗର ଅଗ୍ନିଶମ ବାହିନୀ ପହଞ୍ଚି ନିଆଁକୁ ଅୟତ କରିଥିଲେ । ନିଆଁକୁ ଆୟତ କଲାବେଳକୁ ଗାଡିଟି ସମ୍ପୂର୍ଣ୍ଣ ପୋଡ଼ିଯାଇଛି । ଅଗ୍ନିକାଣ୍ଡର ସଠିକ କାରଣ ଯଣାପଡିନଥିଲେ ମଧ୍ୟ ଏହା ସଟସର୍କିଟ୍‌ କରାଣରୁ ନିଆଁ ଲାଗିଯାଇଥିବା ଅନୁମାନ କରାଯାଉଛି ।

ଏହା ମଧ୍ୟ ପଢ଼ନ୍ତୁ......ବନ୍ଦ ଥିବା ଦୋକାନରେ ଲାଗିଲା ନିଆଁ, ଲକ୍ଷାଧିକ ଟଙ୍କାର ସମ୍ପତ୍ତି ପୋଡି ପାଉଁଶ

ଇଟିଭି ଭାରତ, ଢେଙ୍କାନାଳ