‘ଡଙ୍କି’ ରିଲିଜ ପୂର୍ବରୁ ସାଇବାବାଙ୍କ ଶରଣରେ ଶାହରୁଖ, ସାଥିରେ ଝିଅ ସୁହାନା

ମୁମ୍ବାଇ: ସିରିଡ଼ିରେ ବଲିଉଡ୍ ସୁପରଷ୍ଟାର ଶାହରୁଖ ଖାନ । ମହାରାଷ୍ଟ୍ର ସିରିଡ଼ିରେ ସାଇ ବାବାଙ୍କ ଆଶୀର୍ବାଦ ନେଲେ ଶାହରୁଖ । ପୂଜାର୍ଚ୍ଚନା ସହ ଆଳତୀ କରିଛନ୍ତି । ଶାହରୁଖଙ୍କ ସାଥିରେ ଥିଲେ ଝିଅ ସୁହାନା ଖାନ । ଶାହରୁଖଙ୍କ ଅପ୍ କମିଂ ବଲିଉଡ ମୁଭି 'ଡଙ୍କି' ଆସନ୍ତା 21 ତାରିଖରେ ରିଲିଜ ହେବ । ଡଙ୍କି ଶୁଭମୁକ୍ତି ପୂର୍ବରୁ ସାଇବାବାଙ୍କୁ ଆରାଧନା କରିଛନ୍ତି କିଙ୍ଗ ଖାନ୍ । ଶାହରୁଖଙ୍କ ପୂର୍ବ ଫିଲ୍ମ ଯବାନ ସୁପରହିଟ୍ ହୋଇଥିଲା । ଏବେ ଆସିବାକୁ ଥିବା ଡଙ୍କିକୁ ନେଇ ବିଭିନ୍ନ ସହରରେ ପ୍ରମୋସନ ଚଳାଇଛନ୍ତି କିଙ୍ଗ ଖାନ୍ । ସେପଟେ ଶାହରୁଖଙ୍କ ଝିଅ ସୁହାନା ମଧ୍ଯ ବଲିଉଡ ଅଭିନେତ୍ରୀ । ସୁହାନାଙ୍କ ଅଭିନୀତ ହିନ୍ଦୀ ଚଳଚିତ୍ର 'ଆର୍ଚିଜ୍' ନେଟଫ୍ଲିକ୍ସରେ ରିଲିଜ ହୋଇସାରିଛି । ଶାହରୁଖଙ୍କ ସିରିଡ଼ି ଗସ୍ତ ବେଳେ, ପ୍ରବଳ ଗହଳି ହୋଇଥିଲା। ଶାହରୁଖଙ୍କ ଦେଖିବା ପାଇଁ ମନ୍ଦିର ବାହାରେ ଭିଡ଼ ଜମାଇଥିଲେ ପ୍ରଶଂସକ ।          

ବ୍ୟୁରୋ ରିପୋର୍ଟ, ଇଟିଭି ଭାରତ