ବ୍ୟାସ ସରୋବର ଜଗନ୍ନାଥ ମନ୍ଦିରରେ କଂଗ୍ରେସର ସଂକୀର୍ତ୍ତନ ସତ୍ୟାଗ୍ରହ

ଯାଜପୁର: ବ୍ୟାସନଗର କଂଗ୍ରେସ ପକ୍ଷରୁ ବ୍ୟାସ ସରୋବର ଜଗନ୍ନାଥ ମନ୍ଦିରରେ ସଂକୀର୍ତ୍ତନ ଓ ସତ୍ୟାଗ୍ରହ l ରାଜ୍ୟ କଂଗ୍ରେସର ନିର୍ଦ୍ଦେଶକ୍ରମେ ବ୍ୟାସନଗର କଂଗ୍ରେସ ପକ୍ଷରୁ ବ୍ୟାସ ସରୋବର ଜଗନ୍ନାଥ ମନ୍ଦିରରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଆଜି ବ୍ୟାସନଗର କଂଗ୍ରେସ ସଭାପତି ଦିଲ୍ଲୀପ କୁମାର ମଲ୍ଲିକଙ୍କ ନେତୃତ୍ୱରେ ଆୟୋଜିତ ସଂକୀର୍ତ୍ତନ ଓ ସତ୍ୟାଗ୍ରହ କାର୍ଯ୍ୟକ୍ରମରେ ରାଜ୍ୟ ମହିଳା କଂଗ୍ରେସ ସମ୍ପାଦିକା ରିତାଶ୍ରୀ ମହାନ୍ତି ଅତିଥିଭାବେ ଯୋଗଦେଇ କିଭଳି ଜଗନ୍ନାଥ ଜମିକୁ ସୁରକ୍ଷା ଦିଆଯିବ ସେନେଇ ଆଲୋଚନା କରିଥିଲେ l

ବିଶେଷ ଭାବରେ ରାଜ୍ୟ କଂଗ୍ରେସ ସଭାପତି ଶରତ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ଜଗନ୍ନାଥଙ୍କ ଜମିକୁ ବେଦାନ୍ତ ନିକଟରୁ ଆଣିବା,ରତ୍ନଭଣ୍ଡାର ଖୋଲିବା, ଚତୁର୍ଥ ଦ୍ୱାର ଖୋଲିବା ଦାବିରେ ସାରା ରାଜ୍ୟର ବ୍ଲକ ଓ ପୌର ପରିଷଦର ଜଗନ୍ନାଥ ମନ୍ଦିରରେ ସତ୍ୟାଗ୍ରହ କାର୍ଯ୍ୟକ୍ରମ ଚାଲିଛି  l ଆଜି ଏହି ପରିପେକ୍ଷୀରେ ଜିଲ୍ଲାର ସୁକିନ୍ଦା, ବରୀ, ବଡ଼ଚଣା, କୋରେଇ, ରସୁଲପୁର, ଯାଜପୁର, ବିଞ୍ଝାରପୁର ଓ ରସୁଲପୁର ଅଞ୍ଚଳର କଂଗ୍ରେସ କମିଟି ପକ୍ଷରୁ ସଂକୀର୍ତ୍ତନ ଓ ସତ୍ୟାଗ୍ରହ କାର୍ଯ୍ୟକ୍ରମ କରାଯାଇଛି l

ଇଟିଭି ଭାରତ, ଯାଜପୁର