ବାଂଲାଦେଶ ବିପକ୍ଷରେ ଟେଷ୍ଟ ସିରିଜ ଖେଳିବେନି ରୋହିତ !

ହାଇଦ୍ରାବାଦ: ଭାରତକୁ ଲାଗିଲା ଶକ୍ତ ଝଟକା । ଅଧିନାୟକ ରୋହିତ ଶର୍ମା ଆହତ ସମସ୍ୟା ନେଇ ସୂଚନା ଦେଲେ ମୁଖ୍ୟ ପ୍ରଶିକ୍ଷକ ରାହୁଲ ଦ୍ରାବିଡ । ସେ ବାଂଲାଦେଶ ବିପକ୍ଷରେ ଟେଷ୍ଟ ସିରିଜ୍ ଖେଳିନପାରିବା ନେଇ ଦେଲେ ସଙ୍କେତ । ରୋହିତ ବାଂଲାଦେଶ ବିପକ୍ଷ ଟେଷ୍ଟରେ ଅଧିନାୟକ ରହିଥିଲେ । ଯଦି ରୋହିତ ଶର୍ମାଙ୍କ ଆହାତ ସମସ୍ୟା ଅଧିକ ଗମ୍ଭୀର ରହେ ତାହେଲେ ସେ ବାଂଲାଦେଶ ବିପକ୍ଷରେ ଖେଳାଯିବାକୁ ଥିବା ଟେଷ୍ଟ ସିରିଜରୁ ବାଦ ପଡିପାରନ୍ତି । ସେପଟେ ଡିସେମ୍ବର 10 ତାରିଖରେ ତୃତୀୟ ତଥା ଅନ୍ତିମ ଦିନିକିଆ ଖେଳାଯିବ (IND vs BAN 3rd ODI) । ଅଧିନାୟକ ରୋହିତ ଶର୍ମା, ଦ୍ରୁତ ବୋଲର ଦୀପକ ଚହର ଓ କୁଲଦୀପ ସେନ ଅନ୍ତିମ ଦିନିକିଆ ଖେଳିବେ ନାହିଁ । ଆହତ ସମସ୍ୟା ପାଇଁ ଏହି ତିନି ଖେଳାଳି ଖେଳିବେ ନାହିଁ । ଏହି ତିନି ଖେଳାଳି ମୁମ୍ବାଇ ଫେରିଯିବେ । ବିଶେଷଜ୍ଞ ସେମାନଙ୍କ ଆହତର ଯାଞ୍ଚ କରିବେ ।