ରାତିରେ ଟ୍ରକରେ ବୁଲିଲେ ରାହୁଲ ଗାନ୍ଧୀ, ଭାଇରାଲ ହେଉଛି ଭିଡିଓ

ଚଣ୍ଡିଗଡ: ବର୍ତ୍ତମାନ ସମୟରେ ସୋସିଆଲ ମିଡିଆରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ଏକ ଭିଡିଓ ଖୁବ୍ ଭାଇରାଲ ହେଉଛି  । ଭିଡିଓରେ ରାହୁଲ ଏକ ଟ୍ରକରେ ଯାତ୍ରା କରୁଥିବାର ନଜର ଆସିଛନ୍ତି  । ରାହୁଲ ଟ୍ରକରେ ଡ୍ରାଇଭରଙ୍କ ସିଟ୍ ପାଖରେ ବସିଛନ୍ତି ଏବଂ ରାତିରେ ବୁଲୁଛନ୍ତି  ।  ହରିୟାଣାର ଅମ୍ବାଲା ଜିଲ୍ଲାରୁ ଏହି ଭିଡିଓଟି ଭାଇରାଲ ହେଉଥିବା କୁହାଯାଉଛି  । ଗତକାଲି ରାତିରେ ରାହୁଲ ଦିଲ୍ଲୀରୁ ଚଣ୍ଡିଗଡ ଆସୁଥିଲେ । ଭିଡିଓଟି ସେହି ସମୟରେ ଉତ୍ତୋଳନ କରାଯାଇଛି  । କଂଗ୍ରେସର ସୋସିଆଲ ମିଡିଆ ସେଲ୍ ମୁଖ୍ୟ ସୁପ୍ରିୟା ଶ୍ରୀନେତ ଭିଡିଓଟିକୁ ଶେୟାର କରିଛନ୍ତି ।

ଏଥିରେ ସୁପ୍ରିୟା ଲେଖିଛନ୍ତି, ତାଙ୍କୁ (ରାହୁଲ ଗାନ୍ଧୀ) ଏପରି କାର୍ଯ୍ୟ କରୁଥିବାର ଦେଖି ଏକ ବିଶ୍ବାସ ଆସୁଛି । କେହି ତ ଅଛି ଯିଏ ଲୋକଙ୍କ ସହ ଛିଡା ହେଉଛି, ଲୋକଙ୍କ ଉଜ୍ଜଳ ଭବିଷ୍ୟତ ପାଇଁ ସମସ୍ତ ପ୍ରକାର ତ୍ୟାଗ କରିବାକୁ ପ୍ରସ୍ତୁତ ଅଛି  । କେହି ତ ଅଛି ଯିଏ ଘୃଣାର ବଜାରରେ ପ୍ରେମର ଦୋକାନ ଖୋଲୁଛି  । ତେବେ ରାହୁଲ ଟ୍ରକ ଚାଳକଙ୍କ ସମସ୍ୟା ବୁଝିବାକୁ ରାହୁଲ ଏପରି ଯାତ୍ରା କରିଥିବା ସୂଚନା ମିଳିଛି ।  

ବ୍ୟୁରୋ ରିପୋର୍ଟ, ଇଟିଭି ଭାରତ