ରାହୁଲ ଗାନ୍ଧୀଙ୍କୁ ୨ବର୍ଷ ଜେଲଦଣ୍ଡ, ଗର୍ଜିଲା ନବରଙ୍ଗପୁର କଂଗ୍ରେସ

ନବରଙ୍ଗପୁର: ରାହୁଲଙ୍କ ସଦସ୍ୟତା ରଦ୍ଦ ନେଇ ତେଜିଲା ରାଜ୍ୟ କଂଗ୍ରେସ । ଏହାସହ ଗତକାଲି(ଗୁରୁବାର) ରାହୁଲ ଗାନ୍ଧୀଙ୍କୁ କୋର୍ଟ 2 ବର୍ଷ ସଜା ଶୁଣାଇବା ଘଟଣାକୁ ନେଇ କଂଗ୍ରେସ ଆନ୍ଦୋଳନ କରିଛି । ରାଜ୍ୟର ଭିନ୍ନ ସ୍ଥାନରେ କଂଗ୍ରେସ ବିକ୍ଷୋଭ ପ୍ରଦର୍ଶନ ସହ ନରେନ୍ଦ୍ର ମୋଦିଙ୍କ କୁଶପୁତ୍ତଳିକା ଦାହ କରିଛି  । ବିଜେପି ସରକାର ରାହୁଲ ଗାନ୍ଧୀଙ୍କୁ ଡରି ତାଙ୍କ ବିରୁଦ୍ଧରେ ଷଡଯନ୍ତ୍ର କରୁଥିବା ଆଭିଯୋଗ ଆଣିଛି କଂଗ୍ରେସ । ରାହୁଲ ଗାନ୍ଧୀଙ୍କ ସ୍ବରକୁ ଦବାଇବା ପାଇଁ ମୋଦି ସରକାର ଏପରି ଷଢଯନ୍ତ୍ର କରୁଛି ବୋଲି ଅଭିଯୋଗ କରିଛନ୍ତି ଜିଲ୍ଲା କଂଗ୍ରେସ ସଭାପତି । ନବରଙ୍ଗପୁର ଉପ ଜିଲ୍ଲାପାଳ ଅଫିସ ସାମ୍ନାରେ ଜିଲ୍ଲାର ସମସ୍ତ କର୍ମୀ ଏକତ୍ରିତ ହୋଇ କେନ୍ଦ୍ର ସରକାରଙ୍କ ବିରୋଧରେ ନାରା ଦେବା ସହ କଂଗ୍ରେସକୁ ବିଜେପି ସରକାରର ଏତେ ଭୟ କାହିଁକି ବୋଲି ପ୍ରଶ୍ନ କରିଥିଲ ।  ପରିଶେଷରେ ପ୍ରଧାନମନ୍ତ୍ରୀଙ୍କ କୁଶପୁତ୍ତଳିକା ଦାହ କରିବା ସହ ସତ୍ୟର ଜୟ ହେବ ବୋଲି କଂଗ୍ରେସ ନେତା କହିଛନ୍ତି । ଇଟିଭି ଭାରତ, ନବରଙ୍ଗପୁର