ଶ୍ରୀକ୍ଷେତ୍ରରୁ ଅଯୋଧ୍ୟା ପଦଯାତ୍ରା, ଶ୍ରୀରାମଲାଲାଙ୍କ ଦର୍ଶନ କରିବେ ସାଧୁ

Saint starts journey to Ayodhya: ବୌଦ୍ଧ: ଯୁବ ସାଧୁଙ୍କ ରାମ ଭକ୍ତି । ଶ୍ରୀକ୍ଷେତ୍ର ପୁରୀ ଠାରୁ ଚାଲି ଚାଲି ଅଯୋଧ୍ୟାରେ ଶ୍ରୀରାମଲାଲାଙ୍କ ଦର୍ଶନ ପାଇଁ ବାହାରିଛନ୍ତି ଯୁବ ସାଧୁ କୃଷ୍ଣଚନ୍ଦ୍ର । ଜଗତର ମଙ୍ଗଳ କାମନା ସହିତ ଆଧ୍ୟାତ୍ମିକତାର ବାର୍ତ୍ତା ପ୍ରଚାର କରି ଆଗେଇ ଚାଲିଛନ୍ତି ସାଧୁ । ତେବେ ପ୍ରଭୁ ଶ୍ରୀରାମଲାଲାଙ୍କ ଦର୍ଶନ କରିବା ପାଇଁ ସେ ଯାତ୍ରା ଆରମ୍ଭ କରିଥିବା କହିଛନ୍ତି । ଶ୍ରୀକ୍ଷେତ୍ର ପୁରୀ ଠାରୁ ବାହାରି ସାଧୁ କୃଷ୍ଣଚନ୍ଦ୍ର ଚାଲି ଚାଲି ଆସି ବୌଦ୍ଧ ଠାରେ ପହଞ୍ଚିଛନ୍ତି । ଅଯୋଧ୍ୟାରେ ଆସନ୍ତା ବାଇଶି ତାରିଖ ଦିନ ଶ୍ରୀରାମଲାଲାଙ୍କ ମନ୍ଦିର ଓ ବିଗ୍ରହଙ୍କ ପ୍ରାଣ ପ୍ରତିଷ୍ଠା ହେବ । ତେଣୁ ସାଧୁ ଜଣକ ଅଯୋଧ୍ୟାରେ ପହଞ୍ଚି ପ୍ରଭୁ ଶ୍ରୀରାମଲାଲାଙ୍କ ଦର୍ଶନ ପାଇଁ ବାହାରିଛନ୍ତି ।

ଏହା ମଧ୍ୟ ପଢ଼ନ୍ତୁ...  ରାମଲାଲାଙ୍କ ଦର୍ଶନ ପାଇଁ ବ୍ରହ୍ମପୁରରୁ ଅଯୋଧ୍ୟାକୁ 5 ଯୁବକଙ୍କ ପଦଯାତ୍ରା

ସେପଟେ ଅଯୋଧ୍ୟାକୁ ରାମଲାଲଙ୍କ ଦର୍ଶନ ପାଇଁ ପାଦରେ ଚାଲି ଚାଲି ଯାତ୍ରା ଆରମ୍ଭ କରିଛନ୍ତି ବ୍ରହ୍ମପୁର ସହରରୁ ପାଞ୍ଚ ଜଣ ଯୁବକ  । ସହରର ସିଟି ହାଇସ୍କୁଲ ନିକଟରେ ରହୁଥିବା ଟୁକୁନା ପରଦେଶୀ, ଶ୍ୟାମଘନ ପରଦେଶୀ, ଆକାଶ ପ୍ରଧାନ ସମେତ ସହରର ପ୍ରେମନଗର ଅଞ୍ଚଳର ସିଲୁ ପଣ୍ଡା ଏବଂ ଆସିକା ଅଞ୍ଚଳର ଗୋପାଳ ସ୍ବାଇଁ ମିଳିତ ଭାବରେ ଏହି ଯାତ୍ରା କରୁଛନ୍ତି । 

ଇଟିଭି ଭାରତ, ବୌଦ୍ଧ