ବଡଦିନରେ ଧରାବତରଣ କରିବେ ପ୍ରଭୁ ଯୀଶୁ, ସଜେଇ ହେଉଛି ଭାଇଚାରାର ସହର କଟକ

କଟକ: ଆଉ ଗୋଟିଏ ଦିନର ବ୍ୟବଧାନ । ଆସନ୍ତା ୨୫ ତାରିଖରେ ପ୍ରଭୁ ଯୀଶୁଙ୍କ ଜୟନ୍ତୀ । କରୋନାର ସ୍ଥିତିରେ ସୁଧାର ଆସିବା ପରେ ଚଳିତ ବର୍ଷ ବଡ଼ଦିନକୁ ଆଡ଼ମ୍ବରରେ ସ୍ବାଗତ କରିବା ପାଇଁ ଭାଇଚାରାର ସହର କଟକରେ ଆରମ୍ଭ ହୋଇଯାଇଛି ପ୍ରସ୍ତୁତି ପର୍ବ । ସୁନ୍ଦର ଭାବରେ ସାଜସଜ୍ଜା ଆରମ୍ଭ ହୋଇଗଲାଣି ଚର୍ଚ୍ଚ ଗୁଡିକ । କେବଳ ଚର୍ଚ୍ଚ ନୁହେଁ, ଘରେ ଘରେ ମଧ୍ୟ ଏହି ଦିନକୁ ଆଡ଼ମ୍ବରରେ ପାଳନ କରିବା ପାଇଁ ଖ୍ରୀଷ୍ଟମାସ ବଜାରରେ ଭଳିକି ଭଳି ଜିନିଷ ନେଇ ଘର ସଜେଇବା ପାଇଁ ଭିଡ଼ ଦେଖିବାକୁ ମିଳିଛି । ଖ୍ରୀଷ୍ଟମାସ ଟ୍ରି, କ୍ରିଙ୍ଗବେଲ, ଲାଇଟ, ଡ୍ୟାନ୍ସ ସାଣ୍ଟାକ୍ଲୋଜ, ଡ୍ରେସ, ଟୋପି ଆଦି କିଣି ନେଉଛନ୍ତି ଗ୍ରହାକ । କେବଳ ଖ୍ରୀଷ୍ଟିୟାନ ଧର୍ମାବଲମ୍ବୀ ନୁହନ୍ତି, ଭାଇଚାରାର ସହର କଟକରେ ଅନ୍ୟାନ୍ୟ ସଂପ୍ରଦାୟ ମଧ୍ୟ ସାମିଲ ହୋଇଥାନ୍ତି ବଡଦିନ ପାଳନରେ । ତେବେ ଆସନ୍ତା ଶନିବାର ମଧ୍ୟ ରାତ୍ରିରେ ଚର୍ଚ୍ଚରେ ପାର୍ଥନା ଆରମ୍ଭ କରାଯିବ ବୋଲି ସୂଚନା ଦେଇଛନ୍ତି ଚର୍ଚ୍ଚ ସଦସ୍ୟ ।