IPL 2023 Final: ବ୍ୟାରିକେଡ୍ ଭାଙ୍ଗି ଷ୍ଟାଡିୟମରେ ପଶିଲେ ଦର୍ଶକ, ଲାଠି ଚାର୍ଜ୍ କଲା ପୋଲିସ

ଅହମ୍ମଦାବାଦ: ଗୁଜରାଟର ଅହମ୍ମଦାବାଦସ୍ଥିତ ନରେନ୍ଦ୍ର ମୋଦି ଷ୍ଟାଡିୟମରେ ଜାରି ରହିଛି ଆଇପିଏଲ 2023ର ଅନ୍ତିମ ତଥା ଫାଇନାଲ ମ୍ୟାଚ୍ । ବିଗତ 2 ମାସ ଧରି ଜାରି ରହିଥିବା ଇଣ୍ଡିଆନ ପ୍ରିମିୟର ଲିଗ୍ ଟୁର୍ଣ୍ଣାମେଣ୍ଟ ଶେଷ ହେବାକୁ ଯାଉଛି । ଲିଗ୍ ପର୍ଯ୍ୟାୟ ପରେ କ୍ବାଲିଫାୟର ପର୍ଯ୍ୟାୟରେ ସଫଳ ପ୍ରଦର୍ଶନ କରି ଫାଇନାଲରେ ମୁହାଁମୁହିଁ ହୋଇଛନ୍ତି ଗୁଜରାଟ ଟାଇଟନ୍ସ ଓ ଚେନ୍ନାଇ ସୁପର କିଙ୍ଗସ । ଆଇପିଏଲ ସମୟରେ ଫ୍ୟାନ୍ସଙ୍କ ମଧ୍ୟରେ ଉତ୍ସାହ ଭରି ରହିଥାଏ । ନିଜ ନିଜ ପସନ୍ଦର ଖେଳାଳୀ ଓ ଦଳକୁ ଉତ୍ସାହିତ କରିବା ପାଇଁ ଷ୍ଟାଡିୟମରେ ପହଞ୍ଚିଥାନ୍ତି ପ୍ରଶଂସକ । ତେବେ ଆଇପିଏଲ 2023 ଫାଇନାଲ ମ୍ୟାଚ୍ ସମୟରେ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମ ବାହାରେ ଅଭାବନୀୟ ପରିସ୍ଥିତି ଉପୁଜିଥିଲା । ବ୍ୟାରିକେଡ ଭାଙ୍ଗି ଷ୍ଟାଡିୟମ ମଧ୍ୟରେ ପଶିଥିଲେ ଦର୍ଶକ । ଏପରିକି ଗେଟ ଖୋଲି ମଧ୍ୟ ଦର୍ଶକ ଷ୍ଟାଡିୟମ ଭିତରେ ପଶିଥିଲେ । ଫଳରେ ପରିସ୍ଥିତିକୁ ନିଜ ଆୟତକୁ ଆଣିବା ପାଇଁ ପ୍ରଶଂସକଙ୍କ ଉପରେ ଉପସ୍ଥିତ ସୁରକ୍ଷାକର୍ମୀ ଲାଠି ଚାର୍ଜ କରିଥିଲେ ।

ବ୍ୟୁରୋ ରିପୋର୍ଟ, ଇଟିଭି ଭାରତ