ଆଜି ଜନ୍ମାଷ୍ଟମୀ, ଫିରିଙ୍ଗିଆ ବଜାରରେ ପୋଲିସର ଫ୍ଲାଗ ମାର୍ଚ୍ଚ

ଫୁଲବାଣୀ: ପବିତ୍ର ଜନ୍ମାଷ୍ଟମୀ ଓ ଫିରିଙ୍ଗିଆ ଥାନା ପୋଡ଼ି ଘଟଣାକୁ ଆଖି ଆଗରେ ରଖି ପୋଲିସର ସ୍ଥାନୀୟ ବଜାରରେ ଫ୍ଲାଗ ମାର୍ଚ୍ଚ । ଗତ ଅଗଷ୍ଟ ୫ ତାରିଖରେ ହୋଇ ଥିବା ଥାନା ପୋଡି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଦେଖା ଦେଇଥିଲା ।   ତେଣୁ ଅଞ୍ଚଳରେ ଚୋରି ଡକାୟତି ଓ ଅସାମାଜିକ ଲୋକଙ୍କୁ ଚେକ ଦେବା ପାଇଁ ଫିରିଙ୍ଗିଆ ଥାନା ତରଫରୁ ଗତକାଲି ସନ୍ଧ୍ୟା ୫ ଟା ୩୦ ରେ ଫିରିଙ୍ଗିଆ ପୋଲିସର ଫ୍ଲାଗ ମାର୍ଚ୍ଚ କରାଯାଇଛି l ଫିରିଙ୍ଗିଆ ଥାନା ଅଧିକାରୀ ରମେଶ କୁମାର ପ୍ରଧାନଙ୍କ ନେତୃତ୍ୱରେ ଏହି ଫ୍ଲାଗ ମାର୍ଚ୍ଚ ଫିରିଙ୍ଗିଆ ଥାନାରୁ ବାହାରି ଇନ୍ଦିରା ଗାନ୍ଧୀ ଛକ ବଜାର ବ୍ଲକ ଛକ ପର୍ଯ୍ୟନ୍ତ କରାଯାଇଥିଲା । ଏହି କାର୍ଯ୍ୟକ୍ରମରେ ଅତିରିକ୍ତ ଥାନା ଅଧିକାରୀ ଅଜୟ କୁମାର ସାହୁ, ଏଏସ ଆଇ ତପନ କୁମାର ଦାଶ, ଏଏସଆଇ କୃଷ୍ଣ ଚନ୍ଦ୍ର ଗୌଡ଼ଙ୍କ ସହ ଅନ୍ୟାନ୍ୟ ପୋଲିସ କର୍ମଚାରୀ ଓ ଏକ ପ୍ଲାଟୁନ ଆଇ ଆର ବି ଯବାନ ସାମିଲ ହୋଇଥିଲେ । 

ଇଟିଭି ଭାରତ, ଫୁଲବାଣୀ