ଇଜିପ୍ଟରେ ପ୍ରଧାନମନ୍ତ୍ରୀ ମୋଦିଙ୍କୁ ସ୍ବାଗତ ପରେ ଗାର୍ଡ ଅଫ ଅନର, ଦେଖନ୍ତୁ ଭିଡିଓ

ହାଇଦ୍ରାବାଦ: ଦୀର୍ଘ 26 ବର୍ଷ ପରେ ରାଷ୍ଟ୍ରପତିଙ୍କ ନମନ୍ତ୍ରଣ କ୍ରମେ ପ୍ରଥମ ଭାରତୀୟ ପ୍ରଧାମନ୍ତ୍ରୀ ଭାବେ ଇଜିପ୍ଟରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ ମୋଦି । ଆଜି (ଶନିବାର) ଅପରାହ୍ନରେ ରାଜଧାନୀ କାଇରୋ ବିମାନ ବନ୍ଦରରେ ପ୍ରଧାନମନ୍ତ୍ରୀ ଅବତରଣ କରିବା ପରେ ଇଜିପ୍ଟ ପ୍ରଧାନମନ୍ତ୍ରୀ ମୋସ୍ତାଫା ମଦବୌଲି ତାଙ୍କୁ ସ୍ବାଗତ କରିଛନ୍ତି । ବିମାନ ବନ୍ଦର ପରିସରରେ ପ୍ରଧାନମନ୍ତ୍ରୀ ମୋଦିଙ୍କୁ ଗାର୍ଡ ଅଫ ଅନର ମଧ୍ୟ ପ୍ରଦାନ କରାଯାଇଛି । ଉଭୟ ପ୍ରଧାନମନ୍ତ୍ରୀ ଅଭିବାଦନ ଗ୍ରହଣ କରିବା ପରେ ହୋଟେଲ ଅଭିମୁଖେ ଯାତ୍ରା କରିଛନ୍ତି । ପ୍ରଧାନମନ୍ତ୍ରୀ ହୋଟେଲରେ ପ୍ରବାସୀ ଭାରତୀୟ ସମୁଦାୟଙ୍କୁ ମଧ୍ୟ ସାକ୍ଷାତ କରିବା ସହ ସେମାନଙ୍କ ସହ ଆଲୋଚନା କରିଛନ୍ତି । 26 ବର୍ଷ ପରେ ଜଣେ ଭାରତୀୟ ପ୍ରଧାନମନ୍ତ୍ରୀ ଭାବେ ନରେନ୍ଦ୍ର ମୋଦି ଇଜିପ୍ଟ ଗସ୍ତ କରିଛନ୍ତି । ଚଳିତ ସାଧାରଣତନ୍ତ୍ର ଦିବସ କାର୍ଯ୍ୟକ୍ରମରେ ଇଜିପ୍ଟ (ମିଶର) ରାଷ୍ଟ୍ରପତି ଅବଦ୍ଦଲ ଫତହ ଅଲ-ସିସି ମୁଖ୍ୟ ଅତିଥି ଭାବେ ଭାରତ ଆସିଥିଲେ । ତେବେ ଦେଖନ୍ତୁ ପ୍ରଧାନମନ୍ତ୍ରୀଙ୍କୁ ସ୍ବାଗତ ଓ ଗାର୍ଡ ଅଫ ଅନରର ଦୃଶ୍ୟ ।