Pipili Ex-MLA Demise: ପିପିଲିରେ ପହଞ୍ଚିଲା ପାର୍ଥିବ ଶରୀର, ଶ୍ରଦ୍ଧାଞ୍ଜଳି ଜଣାଇଲେ ଅଞ୍ଚଳବାସୀ

ପୁରୀ: ପିପିଲିର ପୂର୍ବତନ ବିଧାୟକ ଯୁଧିଷ୍ଠିର ସାମନ୍ତରାୟଙ୍କ ପାର୍ଥିବ ଶରୀରକୁ ପିପିଲିରେ ଦିଆଗଲା ଶ୍ରଦ୍ଧାଞ୍ଜଳି । ପିପିଲି ବିଜେଡି ଓ ବିଜେପି କାର୍ଯ୍ୟାଳୟ ଠାରେ ଶତାଧିକକର୍ମୀ ତାଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି । ସେପଟେ ପିପିଲି ବାସୀ ମଧ୍ୟ ଯୁଧିଷ୍ଠିରଙ୍କ ଅନ୍ତିମ ଦର୍ଶନ କରିଛନ୍ତି । ନିଜ ଗାଁ ମାଧିପୁର ଅଭିମୁଖେ ପାର୍ଥିବ ଶରୀର ଯିବା ସମୟରେ ପିପିଲି କଲେଜ ଛାତ୍ରଛାତ୍ରୀ ଅଧ୍ୟାପକ ଅଧ୍ୟାପିକା ଯୁଧିଷ୍ଠିରଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି । ଯୁଧିଷ୍ଠିର କଂଗ୍ରେସରେ ରାଜନୈତିକ ନେତୃତ୍ବ ନେଇ ପିପିଲିରେ ଅନେକ ବିକାଶମୂଳକ କାର୍ଯ୍ୟ ତାଙ୍କ ବିଧାୟକ ସମୟରେ କରିଥିଲେ । ଯୁଧିଷ୍ଠିରଙ୍କ ବିୟୋଗରେ ସ୍ତବ୍ଧ ହୋଇଯାଇଛି ପିପିଲି ।  

ସେପଟେ ଯୁଧିଷ୍ଠିରଙ୍କ ବିୟୋଗରେ ପିପିଲି ବିଧାୟକ ରୁଦ୍ର ପ୍ରତାପ ମହାରଥୀ ଓ ବାଙ୍କି ବିଧାୟକ ଦେବୀ ରଞ୍ଜନ ତ୍ରିପାଠୀ ଶୋକ ବ୍ୟକ୍ତ କରିଛନ୍ତି । ଭୁବନେଶ୍ଵରରେ ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ୭୩ ବର୍ଷ ବୟସ ପରଲୋକ ହୋଇଛି । ସ୍ବର୍ଗତ ଯୁଧିଷ୍ଠିର ସାମନ୍ତରାୟ ୧୯୯୫ରୁ ୨୦୦୦ ମସିହା ଯାଏଁ କଂଗ୍ରେସ ବିଧାୟକ ଥିଲେ । ସେହିପରି ୧୯୮୪ରୁ ୧୯୯୦ ପର୍ଯ୍ୟନ୍ତ ଯୁଧିଷ୍ଠିର ପିପିଲି ଏନଏନସି ଅଧ୍ୟକ୍ଷ ଥିଲେ । ତେବେ ଗତ କିଛି ବର୍ଷ ହେବ ସେ ଶାରୀରିକ ଅସୁସ୍ଥତାରେ ଥିବା ବେଳେ ଆଜି ସକାଳୁ ତାଙ୍କର ଦେହାନ୍ତ ହୋଇଛି ।

ଇଟିଭି ଭାରତ, ପୁରୀ