ରାକ୍ଷୀ ପୂର୍ଣ୍ଣିମା, ରାଜ୍ୟପାଳଙ୍କୁ ରାକ୍ଷୀ ବାନ୍ଧିଲେ କୁନି ପିଲା

ଭୁବନେଶ୍ବର: ରାଜଭବନରେ ପାଳିତ ହୋଇଯାଇଛି ପବିତ୍ର ରକ୍ଷା ବନ୍ଧନ । ରାଜ୍ୟପାଳଙ୍କ ହାତରେ ରାକ୍ଷୀ ବାନ୍ଧିଛନ୍ତି ବିଭିନ୍ନ ଅନୁଷ୍ଠାନ । ସରସ୍ବତୀ ଶିଶୁ ମନ୍ଦିର ସମେତ ଅନନ୍ୟ ବିଦ୍ୟାଳୟ ଆଶ୍ରମର ପିଲା ଏବଂ ଓମଶାନ୍ତି ମହିଳା ମାନେ ବା ଅନୁଷ୍ଠାନର କର୍ମକର୍ତ୍ତା ଆସି ରାଜ୍ୟପାଳଙ୍କ ହାତରେ ରାକ୍ଷୀ ବାନ୍ଧିଛନ୍ତି । ଆଉ ଉପହାର ଆଣି ମିଠା ଖୁଆଇ ରାକ୍ଷୀର ଶୁଭେଚ୍ଛା ଜଣାଇଛନ୍ତି । ରାଜ୍ୟର ସୁରକ୍ଷା ଓ ହିତ ଦିଗରେ କାର୍ଯ୍ୟ କରିବାର ପ୍ରତିଶୃତି ମାଗି ରାଜ୍ୟପାଳଙ୍କୁ ରକ୍ଷାବନ୍ଧନର ଅଭିନନ୍ଦନ ଜଣାଇଛନ୍ତି । ଅନ୍ୟପଟେ ଏଭଳି ପବିତ୍ର ଦିବସରେ ରାକ୍ଷୀର ପ୍ରତିବନ୍ଧତାର ସୂତା ଖିଅ ବାନ୍ଧି ରାଜ୍ୟପାଳ ବେଶ ଆନନ୍ଦିତ ହେବା ସହ ସମସ୍ତଙ୍କର ଆଶୀର୍ବାଦ କାମନା କରିଛନ୍ତି । ଇଟିଭି ଭାରତ, ଭୁବନେଶ୍ବର